Фарғона ва Андижон вилоятларида суюлтирилган газ ва газ баллонларини талон-торож қилиш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Жумладан, “Олтиариқтумангаз” газ таъминоти бўлими масъул шахслари 153 та аҳоли хонадонига гўёки 2 998 та газ баллонларида 1 кг учун белгиланган 1 600 сўмдан жами 58 520 кг суюлтирилган газ етказиб берилгани ҳақида электрон дастурга сохта маълумотлар киритган.
Амалда эса газ тўлдирилган баллонларни қиммат нархларда бошқа шахсларга сотиб юбориб, жами 262 миллион 4 минг сўм нақд пулни талон-торож қилган.
Шунингдек, “Булоқбошитумангаз” газ таъминоти бўлими масъул шахслари ўзларининг моддий жавобгарлигида бўлган умумий баҳоси 98 млн сўмлик жами 235 дона суюлтирилган газ баллонларини ҳеч қандай ҳужжатсиз бошқа шахсларга бериб юборган.
Ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят ишлари қўзғатилиб, тергов ҳаракатлари ўтказилмоқда.
Ноқонуний тарзда сақланган маиший газ баллонлари
Аввалроқ Андижонда жами 212 та суюлтирилган газ баллонларини ноқонуний равишда сақлаган хонадонлар аниқланганди.
Изоҳ (0)