Ўзбекистонда 2020 йилнинг 15 октябридан бошлаб «Ҳудудгазтаъминот» АЖ томонидан республика ҳудудлари бўйлаб маиший газ баллонларига штрих кодли стикерларни ўрнатиш ишлари бошланди, дея хабар бермоқда Энергетика вазирлиги.
Маълум қилинишича, бу тизим қуйидаги тартибда амалга оширилади:
- I босқич — маиший газ баллонларига махсус штрих кодли стикерлар ўрнатилади;
- II босқич — истеъмолчилар ID карталар билан таъминланади;
- III босқич — мазкур жараёнлар «E-gaz» онлайн тизимига уланади.
Шу билан бирга, бу тизимда газ баллон тарқатиш оралиғи 45 кун бўлса, 45 кун ичида фақатгина бир марта пул ечиб олинади. Яъни 45 кун ичида иккинчи бор газ баллон олишнинг имкони бўлмайди.
Автоматлаштирилган тизимда белгиланган маблағ тегишли муддатда ечиб олинади. Яъни ҳайдовчи-экспедитор ва таъминотчи ходимлар томонидан газ баллон учун қўлдан нақд пул олинишига йўл қўйилмайди. Бу суюлтирилган газ таъминотида кўрсатилаётган хизмат сифатини яна-да ошириб, тизимдаги коррупция ҳолатларини бартараф этишга имкон бериши қайд этилган.
Аввалроқ аҳолига суюлтирилган газ етказиб беришда кечикиш ҳолатлари бўлаётганига изоҳ берилганди.
Мавзуга доир:
- Абдулла Арипов ва Очилбой Раматов Ўзбекистон ҳудудларини куз-қиш мавсумига тайёрлаш бўйича масъул бўлди
- Энергетика вазирлиги Наманган, Андижон ва Фарғона вилоятларида газ ҳамда электр таъминоти ҳажми оширилишини маълум қилди
- Ўзбекистонда автомобилга газ қуйиш шохобчаларида вақтинчалик чекловлар ўрнатилиши мумкин
Изоҳ (0)