Қашқадарёда газ балони портлаши оқибатида 37 кишининг жароҳат олиши, электромобиллар импортига қўйилиши мумкин бўлган чекловлар, Президентнинг пойтахтдаги қатор ҳудудларга ташрифи – “Дарё” нашри бугун, 19 мартда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда Миллий гвардия формасида юрган шахс қўлга олинди
Аниқланишича, у 1-сонли руҳий асаб касалликлари диспансерида рўйхатда туради.
Сурхондарёда вояга етмаган қизга уйланишини айтиб, шилқимлик қилган йигит 5 суткага қамалди
У қизнинг қўлидан ушлаб, машинасига ўтқизмоқчи бўлган.
“Машина деразасидан учиб чиқиб кетганман” — Йўл-транспорт ҳодисаси туфайли II гуруҳ ногиронига айланган шифокор аёлга уй берилди
Собиқ шифокор билан суҳбатдан аён бўлдики, унга ҳокимлик вакиллари уй ажратишда бюрократик тўсиқларни рўкач қилган, лекин юқори палатанинг аралашуви билан масала ҳал этилган.
ДХХ Наманганда қалбаки 9,4 минг долларнинг муомалага чиқарилишига чек қўйди (видео)
Гумонланувчилар қалбаки валюталарни сотиш мақсадида Қирғизистондан олиб ўтган.
Тошкентда уй-жой ижараси нархи тушиши давом этмоқда
Ўртача таъмирланган туркумдаги уйлар учун нисбатан арзон ижара нархлари Сергели ва Олмазор туманларида таклиф этилган.
Самарқандда бир эркакни ўлдиришда гумонланиб, қидирувда бўлган 29 ёшли шахс Қозоғистонда ушланди
Ҳозирда унга нисбатан тергов ҳаракатлари олиб борилмоқда.
Ўзбекистонда пенсиянинг минимал миқдори энг кам истеъмол харажатлари даражасидан оз бўлмаслиги белгиланди
Энди пенсиялар миқдори йил давомида истеъмол нархлари индекси даражаси инобатга олинган ҳолда ошириб борилади.
“Келишади, кўришади, ваъда беришади. Аммо натижа йўқ”. Депутатлар Деҳқонободдаги йўл ҳолатини танқид қилди
Деҳқонободликлар вилоят ЎзЛиДеП депутатлик гуруҳига туман ҳудудидаги йўллар яроқсиз ҳолга келиб қолганини, бу ҳайдовчилар ва йўловчиларга ноқулайлик туғдираётганини айтиб, шикоят қилди.
Қашқадарёдаги сайлда газ баллон портлаши оқибатида 37 киши жароҳат олди
Ҳолат юзасидан жиноят иши қўзғатилди.
Шавкат Мирзиёев Тошкентдаги “Ёшлар боғи”да кўчат экди (видео)
Боғ майдони 75 гектардан ортиқ бўлиб, ҳудуди жиҳатидан пойтахтдаги “Янги Ўзбекистон” боғидан кейин иккинчи ўринни эгаллайди.
Шавкат Мирзиёевнинг Саудия Арабистони валиаҳд шаҳзодасига ёзган мактуби топширилди
Мактубни Ўзбекистон ташқи ишлар вазирининг биринчи ўринбосари топширган.
Президент поездлар тармоғини кенгайтириб, аҳолини кўп туманларга олиб бориш бўйича топшириқ берди
Шавкат Мирзиёев Тошкент йўловчи вагонларни қуриш ва таъмирлаш заводини бориб кўрди.
“Бу ўзбекистонликларни аёвсиз талаш дегани” — фаоллар электромобиллар импортига чеклов қўйилишидан норозилик билдирмоқда
“Ёрлиғи BYD’ми ё GM — фарқи йўқ, ‘Ўзавтосаноат’ рақобатни мутлақо истамайди”, — деб ёзади иқтисодчи.
Мактабларда баҳорги таътил 21 мартдан бошланади
Тўртинчи чорак дарслари 28 мартдан бошланади.
Ўзбекистонда электромобиль ва гибрид автомобиллар ишлаб чиқариш йилига 500 минг донагача оширилади
Маҳаллий аҳоли учун ўн мингта янги иш ўринлари яратилади.
Антикоррупция агентлиги бир млрд сўмлик тўртта давлат харидини бекор қилди
Тўпланган ҳужжатлар ҳуқуқни муҳофаза қилувчи органларга юборилди.
Тошкент вилоятида 7 ёшли қизча ўз аммаси томонидан уриб ўлдирилди
Аёл жияни дарс тайёрламагани ва ёлғон гапирганини важ қилиб, уни жазолаган.
“Нима учун ҳудудларда кўп юраман? Чунки мен одамларга ишонаман” — Шавкат Мирзиёев
Президент Яккасарой туманидаги “Дилбулоқ” маҳалласига ташриф буюрди.
Бухорода автобус ва юк машинаси иштирокида содир бўлган ЙТҲ юзасидан жиноят иши қўзғатилди
Айрим мансабдор шахслар мактаб болаларини автобусда ташиш ва ҳамроҳлик қилиш ишларини ташкил қилишда қўпол қонун бузилиши ҳолатларига йўл қўйганликлари аниқланди.
Изоҳ (0)