Қашқадарё вилояти Кўкдала тумани ҳокими газ баллони портлашидан жабрланганларга моддий ёрдам ажратди. Бу ҳақдаги тегишли қарор туман ҳокими томонидан имзоланган.
Қарорга кўра, тан жароҳати олган 26 нафар фуқаронинг ҳолидан хабар олиниб, “Саховат ва кўмак” жамғармаси ҳисобидан 62 млн сўм ажратилади.
Эслатиб ўтамиз, 18 март куни Қашқадарёнинг Кўкдала туманида ўтказилаётган сайлда газ баллон портлаши оқибатида 37 киши турли даражада тан жароҳати олгани ҳақида хабар берилганди.
Ҳолат юзасидан Кўкдала туман прокуратураси томонидан Жиноят кодексининг 207-моддаси (мансабга совуққонлик билан қараш) 2-қисми билан жиноят иши қўзғатилиб, тергов ҳаракатлари олиб борилаётган эди.
Изоҳ (0)