Қашқадарё вилояти Китоб туманида ҳайдовчи автомашинасига ҳам пропан, ҳам метан газ баллонлари ўрнатиб олгани аниқланди. Бу ҳақда Ички ишлар вазирлиги хабар қилди.
Қайд этилишича, Китоб туманидаги «Мингчинор» мунтазам йўл-патруль хизмати масканида хизмат қилаётган ЙПХ ходимлари Лабо транспорт воситасини тўхтатиб, кўздан кечирган. Натижада машинага ҳам метан (сиқилган табиий газ), ҳам пропан (суюлтирилган газ) ўрнатиб олгани маълум бўлган.
Ҳолат юзасидан маъмурий баённома расмийлаштирилди. Транспорт воситаси вақтинча сақлаш учун жарима майдонига қўйилди.
Изоҳ (0)