Машҳур актёрлар истеъдодли бўлиш билан бирга, бир-бирига ўхшамайдиган нозик диди билан ҳам ажралиб туради. Буни уларнинг ҳашаматли уйларидаги меҳмонхонани қандай безатганидан ҳам билиш мумкин.
Женнифер Энистон, Лос-Анжелес
Женнифер Энистоннинг Стивен Шадли лойиҳалаштирган уйидаги ёғочли декорлар билан тўлдирилган шинам меҳмонхонаси унчалик катта эмас. Бироқ бу ерда оғир суратга олиш кунларидан кейин дам олиш ва кои-карплари балиқларини томоша қилиш мумкин. Табиий ёруғлик ва тинчлантирувчи рангдаги мебеллар қулай муҳит яратишга ёрдам беради. “Женнифер менга драматик таъсир кўрсатадиган сокин меҳмонхона хоҳлаётганини айтганди”, — деб эслайди дизайнер.
Кемерон Диас, Нью-Йорк
Кемерон Диас Манхеттендаги бу квартирани сотиб олганида у оппоқ, зерикарли, файзсиз уй эди. “Бу ерда ранглар етишмаётганди!” — деб эслайди актриса. Аввалига уйни ўзи лойиҳалашни, ҳафталаб журналларни варақлашни хоҳлайди, аммо кейинчалик бунга вақти йўқлигини билиб, профессионал дизайнер — Келли Уирстлерни таклиф қилди. Улар биргаликда ёруғ ва шинам макон яратади.
Даяна Китон, Беверли-Ҳилз
“Даяна катта жойларни яхши кўради”, — дейди у билан бир нечта лойиҳаларда ишлаган актрисанинг яқин дўсти дизайнер Стивен Шадли. Шунингдек, у бу уйнинг ички қисмларини колониал услубда безатди: меҳмонхонанинг қуюқ ёғоч шифтини оппоқ деворлар билан уйғунлаштирди.
Даяна Китон Калифорния санъати ва дизайни иштиёқманди. У Мейнард Диксоннинг “Кечқурун тушдан кейин” (1931) асарини меҳмонхонасидаги камин устига, Уилям Ритсчелнинг “Чўл сайёҳлари” (1912) асарини консол тепасига осиб қўйган.
Жерард Батлер, Нью-Йорк
Актёр Жерард Батлер нафақат меъмор Александр Горлин, балки кинорежиссёр Элвис Рестаинонинг ёрдами билан Нью-Йоркдаги уйини безашга тўрт йил вақт сарфлади. Ушбу кенг кўламли лойиҳанинг натижаси ҳаяжонли фильм каби ажойиб. Кенг меҳмонхонада улар “Жерри Европага саёҳати пайтида ёки севимли Нью-Йорк қаҳвахонасига ташриф буюрганида эслаб қолган нарсаларни қайта тиклади”, деб эслайди актёр.
Жейн Фонда, Нью Мехико
Фаол суратга олишдан сўнг Жейн Фонда ранчоси — отхонаси, ёрқин рангдаги гиламлари, колониал давридаги артефактлари бор уйига қайтади. Катта каминли меҳмонхонадаги қандил буғу шохига ўхшаш нақшлар билан безатилган. Камин атрофида ранчонинг чақмоқ тасвирли эмблемаси муҳрланган.
Жессика Честейн, Нью-Йорк
Бир пайтлар West Side Story композитори Леонард Бернштейн яшаган квартирага кўчиб ўтгач, актриса Жессика Честейн Манхеттендаги уйининг интерерини безаш учун дизайнерлар Жесси Карер ва Мара Миллерни таклиф қилади. “Бизнинг асосий мақсадимиз эски уйга янги ҳаёт киритиш, жозиба ва нафосат олиб кириш эди”, — деб эслайди дизайнерлар.
Қисман тўсиб қўйилган камин қайта тикланади, жумладан, актриса вақт ўтказишни яхши кўрадиган шинам меҳмонхонадаги ҳам. Деворларга сунъий замш қопламаси ёрдамида декоратив кўриниш берилади. Жессика Честейн винтажни — “энергияга эга бўлган нарсаларни” яхши кўради ва айниқса, актриса Лоран Бакаллга тегишли чит қопламали креслоси билан фахрланади.
Жулианна Маргулиэс, Нью-Йорк
Винсент Вольф томонидан лойиҳалаштирилган америкалик актриса ва продюсер Жулианна Маргулиэснинг квартирасида асосий ролни юмалоқ силуэтли кулранг диван эгаллайди. Актриса минимал мебел билан замонавий япон интерерларини яхши кўради. Бу квартирада керакциз нарсалар ёки ранглар йўқ. Меҳмонхонада ҳамма нарса дам олиш учун сокин кайфиятни яратади: тинчлантирувчи ранглар, ёқимли тўқималар ва турли даражадаги ёруғлик.
Самюэль Л. Жексон, Лос-Анжелес
Самюэль Л. Жексон дизайнер Сесил Н. Хейс унга Тюдорлар услубида безашга ёрдам берган уйда яшайди. Интерерда актёрнинг кўплаб мамлакатларга қилган саёҳатларидан олиб келган буюмлари мавжуд. Меҳмонхонадаги камин тепасида форс гиламчаси, керамик идишлар ва бир жуфт Ғарбий Африка чивараси — унумдорлик рамзи осилган.
Изоҳ (0)