Шоу-бизнесда ҳамма ҳам ўз ўрнини топа олмайди. Мазкур истеъдодли интилувчан юлдузлар қўлларидан келганча ҳаракат қилмоқда, лекин улар ҳали дунёга машҳур ота-оналаридан ўзиб кетолмаган.
Индио Фальконер Дауни
Кичик Роберт Даунининг ўғли Индио Фальконер Дауни — қўшиқчи ва актёр. Унинг рэпертуари ҳозирча унчалик катта эмас. У фақат бир нечта фильмларда роль ўйнаган — “Бўса” ва “Роксанадан қочиш” шулар жумласидан. Аммо Индио мусиқа билан мунтазам равишда шуғулланади. У тадбирларда ўзи ёзган мусиқа остида чиқади, ижтимоий тармоқларга ҳам мусиқа асбоблари билан тушган фотосуратларини жойлаштиради. Яқинда Индио ўзининг дебют альбомини чиқарди. Умуман олганда, у иқтидорли ва истиқболли йигит.
Айрленд Болдуин
Айрленд Болдуин актёрлар — Алек Болдуин ва Ким Бейсингернинг қизи ҳамда Хейли Бибернинг холаваччаси. Айрленд модель, актриса, кино продюсери ва дижей. Интилувчан юлдузнинг фильмографиясида атиги бешта кино бор — “Душманим сири”, “Чақирилмаган меҳмон” фильмларидаги роли билан кўпчиликка таниш.
Кэтрин Шварценеггер
Арнольд Шварценеггернинг қизи билимдон ва ижодкор, мутахассислиги бўйича журналист. Кэтрин нафақат оммавий ахборот воситаларида ишлаган, балки бир нечта китоблар ҳам нашр этган. Унинг китоблари танани севишга, университетдан кейинги ҳаётга ва одамларни кечириш амалиётига бағишланган. Кэтрин Америка телевидениесида машҳур, чунки у турли ток-шоуларда ва янгиликлар дастурларида қатнашади. Аммо шоу-бизнесда у фақат Крис Праттнинг рафиқаси сифатида танилган.
Дестри Эллин Спилберг
Режиссёр Стивен Спилбергнинг истеъдодли, аммо номаълум қизи бир вақтлар моделлик билан шуғулланган. Ҳаммаси яхши кетаётган эди, қиз ҳатто йирик мода уйлари билан ҳам ҳамкорлик қилади. Авваллари унинг принципи бор эди — машҳур отасининг ёрдамисиз мустақил равишда муваффақиятга эришиш. Шунинг учун Дестри улар билан алоқаси бўлмаган соҳани танлайди. Аммо кейинчалик у ҳам отасининг изидан борди.
Ҳозирда унинг фильмографияси бир нечта лойиҳаларни ўз ичига олади, жумладан, “Мен бу ҳақиқатни биламан” ва “Ажойиб пицца”. Ўтган йили юлдуз “Илтимос, болаларга овқат берманг” триллерига режиссёрлик қилмоқчи эканлиги маълум бўлди. Премьера 2024 йилга мўлжалланган.
Мерси Жеймс
Яқинда Мадонна мухлисларига Мерси Жеймс исмли ажойиб ва истеъдодли асраб олган қизи борлигини эслатди. Қиз 18 ёшга тўлди ва қўшиқчи уни ижтимоий тармоқларда таъсирчан табриклади. Мерси ҳақида кўп нарса маълум эмас, аммо Мадонна жойлаган видео туфайли унинг мусиқий қобилиятлари борлигини билиш мумкин. Балки машҳур она қизига продюсер бўлиб, кўтарилишида ёрдам берар?
Ромео Бекхем
Девид ва Виктория Бекхемнинг болалари ичида Бруклин энг машҳури бўлди. Албатта, таниқли рафиқаси Никола Пелцнинг ёрдами билан. Спортда машҳур бўлишга интилаётган, лекин кўпроқ шов-шувли акасининг соясида қолишда давом этаётган Ромео Бекхем-чи? Ромео ёш ва истиқболли. У отасининг изидан бориб, футболни чин юракдан севди. Унинг таржимаи ҳолидан маълумки, йигит ҳар доим тўп тепишни яхши кўрган ва ўзини модель сифатида ҳам синаб кўрган. Айтганча, Ромео 2019 йилдан бери модель Миа Реган билан учрашади. Балки бир кун келиб у йигитини шоу-бизнесни забт этишга илҳомлантирар ва у отаси ҳамда акасидан кўра машҳурроқ бўлиб кетар.
Изоҳ (0)