Хитой ҳарбий авиацияси янги босқичга қадам қўймоқда, ижтимоий тармоқларда учиш синовларидан ўтаётган янги жанговар самолёт сурати пайдо бўлди. Бу ҳақда Тhе Aviationist хабар берди.
Кадрларда самолёт иккита ҳаво кириш жойига эга эканини кўриш мумкин. Бу унинг иккита двигателли бўлиши эҳтимолини оширади. У учбурчаксимон қанот, чўзинчоқ бурун ва корпус билан бир бутунлашган фюзеляжга эга. Бундай конструкция радарда аниқланиш эҳтимолини кескин камайтиради. Одатда бу турдаги учоқлар узоқ масофали зарба берувчи операцияларда иштирок этади.
Самолёт масофадан бошқариладими ёки учувчи иштирокида ишлайдими — ҳозирча номаълум. Уни қайсидир авлод қирувчи самолётига киритиш ҳам қийин масала. Мутахассислар фикрича, янги учоқ Хитойнинг илгари маълум бўлган J-36 ёки J-50 стелс-қирувчиларига ўхшамайди. Ҳарбий таҳлилчи Андреас Руппрехт бу янги турдаги қирувчи ёки йирик жанговар дрон бўлиши мумкинлигини таъкидлаган.
J-36 Ченгду компанияси томонидан ишлаб чиқилган бўлиб, ҳозирча тури номаълум двигателга эга йирик самолётдир. Айрим мутахассислар уни қирувчи-бомбардимончи сифатида баҳолаган. Учоқ узоқ масофага зарба бера оладиган кўплаб қуролларни ташишга қодир.
J-50 (ёки J-ХDС) эса Ж-36 дан анча кичик ва замонавий қирувчилар каби иккита двигателли. Ушбу самолётни Шенянг компанияси ишлаб чиққан. Эҳтимол, у J-36 га нисбатан арзонроқ бўлади.
Изоҳ (0)