АҚШнинг Аризона штатида 6 август куни тиббий самолёт қулаб тушиши оқибатида тўрт киши ҳалок бўлди. Бу ҳақда CNN хабар берди.
Маълум қилинишича, ҳодиса Чинле аэропорти яқинида юз берган. Икки винтли кичик тиббий самолёт қулаб тушгач, ёниб кетган. Бортда ҳалок бўлганлар маҳаллий аҳоли вакиллари эмас, уларнинг ўлимини шифокорлар тасдиқлаган. Самолёт Нью-Мексико штатининг Албукерк шаҳридаги шифохонадан беморни олиб кетиш учун кетаётган бўлган.
Учоқ CСI Aviation компаниясига тегишли бўлиб, авиаҳалокат сабаби номаълум. Авариядан сўнг тергов олиб борилаётгани сабабли аэропортга кириш йўли ёпиб қўйилган. Миллий транспорт хавфсизлиги кенгаши бу Beechcraft 300 самолёти бўлганини айтмоқда.
Терговчилар воқеа жойига етиб боргач, ҳодисани ҳужжатлаштириш ва самолётни кўздан кечиришга киришади. Кейин у қўриқланадиган объектга кейинги экспертиза учун олиб кетилади, деди хавфсизлиги кенгаши вакили Сара Тейлор Сулик.
7 апрель куни Японияда тиббий вертолёт денгизга қулаб тушган эди, оқибатда бир бемор ва яна икки киши ҳалок бўлган. Учувчи, механик ва ҳамширани қутқаришга муваффақ бўлинган эди.
29 июль куни эса Германияда ўқув ҳарбий вертолёти ҳалокатга учраган. Кейинчалик икки нафар Бундесвер аскари ҳалок бўлгани, уларнинг жасадлари дарёдан топилгани маълум бўлган.
Изоҳ (0)