Ҳиндистон футбол федерацияси Россия футбол иттифоқи билан 2025 йилда миллий терма жамоалар ўртасида ўртоқлик ўйини ўтказиш бўйича музокаралар олиб боришга тайёр.
“Ҳиндистон ва Россиянинг асосий жамоалари ўртасидаги ўртоқлик ўйинига келсак, биз Ҳиндистон чемпионати ва 2025 йил март ойидан FIFA кунлари ўтказиладиган 2027 йилги Осиё Кубогига саралаш ўйинлари сабаб 2025 йилнинг майигача ўртоқлик ўйинларини белгилай олмаймиз. 2027 йилги Осиё Кубоги финал босқичига қуръа ташлаш ва кейинги ўйинлар тақвимидан келиб чиқиб, миллий терма жамоалар ўртасидаги ўйинни ўтказиш имкониятини интиқлик билан кутамиз”, дейди исмини ошкор этмаган Ҳиндистон футбол федерацияси матбуот хизмати аъзоси.
Октябрь ойидаги FIFA танаффусида Россия терма жамоаси Покистон термаси билан ўйнаши керак эди, бироқ рақиб ўртоқлик учрашувидан бош тортди. Натижада Валерий Карпин шогирдлари йиғинни ўйинсиз ўтказди.
Маълумот учун, 2022 йилнинг февраль ойидан бошлаб FIFA ва УЕФА қарори билан Украинадаги вазият туфайли Россиянинг барча терма жамоалари ва клублари халқаро турнирлардан четлаштирилди. Шу тариқа Россия эркаклар терма жамоаси Қатардаги жаҳон чемпионати ва Германияда бўлиб ўтган Европа чемпионатини ўтказиб юборди.
Изоҳ (0)