Европа Иттифоқининг ички бозор ва хизматлар бўйича комиссари Терри Бретоннинг сўзларига кўра, АҚШ президентлигига Республикачилар партиясидан номзод Дональд Трамп миллиардер Илон Маск билан суҳбат чоғида бемалол “ёлғон баёнотлар” тарқатиши мумкин. Бретон бу ҳақда Х ижтимоий тармоғида маълум қилди.
![](/static/2024/08/13/photo_2024-08-13_17-02-37-iNkqR5G7.jpg)
Суҳбат эълон қилинганидан кўп ўтмай, Европа комиссари Илон Маскка йўллаган мактубида унинг идораси суҳбат давомида “зўравонлик, нафрат ва ирқчиликни қўзғатиши мумкин бўлган контентнинг тарқалишини” диққат билан кузатиб бориши ҳақида огоҳлантирган.
Маск Европа Иттифоқи қонунларига риоя қилишга мажбур, дея таъкидлаган Бретон.
Унинг сўзларига кўра, Европа Иттифоқининг Рақамли хизматлар тўғрисидаги қонуни (DSА) платформадан АҚШ сайловлари каби “тегишли воқеалар билан боғлиқ зарарли контентнинг тарқалишини самарали равишда бостиришни” талаб қилади.
Менинг идорам ва мен жуда ҳушёр бўламиз. Агар қонунбузарлик белгилари бўлса, Брюссел жарималар каби вақтинчалик чоралар қўллаш ҳуқуқини ўзида сақлаб қолади, дея қўшимча қилган Европа Иттифоқининг рақамли технологиялар бўйича комиссар.
Маск Бретоннинг мактубига мем билан жавоб берган ва киноя билан у ҳеч қачон бундай қўпол ҳамда масъулиятсиз ҳаракатга қарор қилмаганини айтган. Трамп сайловолди кампанияси, ўз навбатида, Европа Иттифоқи ўз бизнеси билан шуғулланиши ва АҚШ президентлик кампаниясига аралашишга уринмаслигини сўраган.
Миллиардер Трамп билан суҳбат бошланиши эълон қилинган вақтда Х’га катта DDOS ҳужуми бўлганини айтган. Натижада суҳбат белгиланганидан тахминан 45 дақиқа кечроқ бошланган.
Маск ва Трамп ўртасидаги аудиомулоқотда кўтарилган мавзулар АҚШда бўлажак сайловлар, Россия билан муносабатлар, Украинадаги уруш, НАТО муаммолари, глобал исишнинг мавжудлиги, электромобиль бозорининг ривожланиши ва бошқа масалалар бўлган.
Изоҳ (0)