Европа Иттифоқи кенгаши Россияга қарши барча санкцияларни олти ойга, 2025 йил 31 январгача узайтирди.
Бу ҳақда ташкилот баёнотида айтилади. Қарор 2014 йилдан бери қабул қилинган барча санкцияларга тааллуқлидир.
Умуман олганда, Европа Иттифоқи Россия юридик шахсларига қарши 685 та санкция киритган. Шунингдек, яна 1558 нафар жисмоний шахсга нисбатан жазо чоралари қўлланган.
Аввалроқ АҚШ президентлигига номзод Дональд Трамп Россияга қарши санкцияларни қўлламаслигини маълум қилганди.
“Мен санкцияларни ёқтирмайман. Бунга аввалдан қарши бўлганман”, деган Трамп амалдаги АҚШ президенти Жо Байденнинг Россияга нисбатан тутган йўлига муносабат билдириб.
“Санкция сиёсати Оқ уй мавқейини туширмоқда. Дунё мамлакатларининг Вашингтонга нисбатан муносабати ёмон томонга ўзгармоқда”, деган президентликка номзод Трамп.
Изоҳ (0)