Килиан Мбаппе “Реал”га жинсий зўравонлик бўйича айбловлар ортида “ПСЖ” турганини айтиб ўтган.
Швеция прокуратураси франциялик футболчининг исмини тилга олмаган ҳолда, жинсий зўравонлик бўйича шикоятдан кейин дастлабки терговни бошлагани ҳақида эълон қилган. Кўп ўтмай, жабланувчи Мбаппени воқеанинг асосий айбдори дея атагани ҳақида маълумот пайдо бўлди.
Cadena SER журналисти Хави Эрраэснинг таъкидлашича, француз “Реал”ни вазият ортида “ПСЖ” турганига ишонтирган. Парижликлар ва Мбаппе ўртасида 55 миллион евролик қарз борасида суд жараёнлари бўлиб ўтаётгани асосий сабаб бўлиши мумкинлиги айтилган.
“Мадрид клубидан ҳеч ким Стокгольмда бўлмаган. Килиан уларга нима деганини билади. Бу Носир ал-Ҳелайфининг (“ПСЖ” президенти) тузоғи эканлигига унинг ишончи комил.
Мадридликлар Мбаппе Франциядан катта босим бўлаётганини кўриб турибди. Биз қайси ОАВ “ПСЖ” томонидан назорат қилинишини биламиз, айнан улар кўпроқ босим қиляпти ва вазиятга халақит қилмоқда”, — дейди Эрраэс.
Изоҳ (0)