Мадриднинг “Реал” клуби матбуот хизмати ўнг қанот ҳимоячиси Лукас Васкес билан шартномани узайтирганини маълум қилди.
33 ёшли испаниялик футболчи яна бир мавсумни Мадрид клубида ўтказади.
Васкес “Реал Мадрид” тарбияланувчиси бўлиб, 2010 йилдан буён клубда профессионал тарзда ўйнамоқда.
2023—24 йилги мавсумда Васкес “Реал”нинг барча турнирлар доирасидаги 38 та учрашувида қатнашиб, 3 та гол урди ва 8 та голли узатмани амалга оширди.
Аввалроқ “ПСЖ”нинг марокашлик ҳимоячиси Ашраф Ҳакими жамоанинг муҳим бўлаги эканлигини тушуниб, “қироллик клуби”га қайтиш таклифини рад этгани ҳақида хабар берилган эди.
“Реал” клуби ушбу трансфер ойнасида кўп йиллардан бери таъкидлаб келинаётган Мбаппе трансферини эълон қилди.
Маълумот учун, Ла Лиганинг биринчи тур учрашувлари 15 августга белгиланган.
Изоҳ (0)