ЕЧЛ. “Бавария” рақиб дарвозасига 9 та гол урди, Кейндан покер, “Ливерпуль” “Милан”ни енгди, “Реал” ва “Ювентус”да ишончли ғалаба

Футбол бўйича Европа Чемпионлар Лигасининг 1-туридан ўрин олган ўйинлар 17 сентябрь, сешанба куни бўлиб ўтди.

“Реал” ўзида “Штутгарт”ни қабул қилди. Биринчи бўлимда дарвозалар ишғол этилмади. Иккинчи бўлим бошида эса Килиан Мбаппе ҳисобни очди. 68-дақиқада Ундав ҳисобни тенглаштирди. 83-дақиқада эса Антонио Рюдигер мадридликларнинг иккинчи голига муаллифлик қилди. Ўйин охирида эса Эндрик якуний голни урди ва “қаймоқранглилар” 3:1 ҳисобидаги ғалабани расмийлаштирди.

“Ливерпуль” эса “Милан” устидан 3:1 ҳисобида устун келди. Мерсисайдликлар сафида Конате, ван Дейк ва Собослай гол урди, миланликлар таркибида Пулишич ўз номини таблога ёздириб қўйди.

“Бавария” “Динамо” Загребни 9:2 ҳисобида тор-мор этди. Мюнхенликлар таркибида Ҳарри Кейн покер қайд этди. Олисе эса дубль муаллифи бўлди. Яна учта гол Сане, Горетцка ва Геррейру ҳисобига ёзилди.

“Ювентус” “ПСВ”га қарши баҳс олиб борди ва 3:1 ҳисобида ғалаба қозонди. Туринликлар сафида Йилдиз, Маккензи ва Гонсалес гол муаллифи бўлган бўлса, Нидерландия клуби таркибида Сайбари дарвозани ишғол қилди.

ЕЧЛ

1-тур

17 сентябрь. сешанба

“Реал” – “Штутгарт” 3:1

Голлар: 1:0 – 46 Мбаппе, 1:1 – 68 Ундав, 2:1 – 83 Рюдигер, 3:1 — 90+5 Эндрик.

“Реал Мадрид”: Куртуа, Менди (Фран Гарсия, 76), Рюдигер, Карвахаль, Васкес (Милитао, 46), Беллингем (Эндрик, 80), Тчуамени (Модрич, 70), Вальверде, Винисиус Жуниор, Мбаппе, Родриго (Гюлер, 75).

“Штутгарт”: Нюбел, Миттельштедт, Шабо, Руо, Вагноман (Чейз, 63), Штиллер, Каразор, Фьюрих (Ридер, 63), Миё (Демирович, 75), Левелинг, Ундав (Туре, 76).

Огоҳлантиришлар: Васкес (23), Миттельштедт (30), Анчелотти (60), Вальверде (78), Милитао (80).

“Милан” – “Ливерпуль” 1:3

Голлар: 1:0 – 3 Пулишич, 1:1 – 23 Конате, 1:2 – 41 ван Дейк, 1:3 – 67 Собослаи.

“Милан”: Менян (Торряни, 51), Тео, Павлович, Томори (Габбия, 84), Калабрия (Эмерсон, 70), Лофтус-Чик (Абраҳам, 70), Фофана, Рейндерс, Пулишич, Рафаэл Леау, Мората (Окафор, 84).

“Ливерпуль”: Алиссон, Симикас, ван Дейк, Конате, Александер-Арнольд (Гомес, 79), Мак Аллистер, Гравенберх, Собослаи, Гакпо (Диас, 68), Салоҳ, Диогу Жота (Нуньес, 68).

Огоҳлантиришлар: Калабрия (22), Фофана (31), Мак Аллистер (53), Фонсека (60), Конате (80).

“Бавария” – “Динамо” Загреб 9:2

Голлар: 1:0 – 19 Кейн (пенальти), 2:0 – 33 Геррейру, 3:0 – 38 Олисе, 3:1 – 48 Петкович, 3:2 – 50 Огивара, 4:2 – 57 Кейн, 5:2 – 61 Олисе, 6:2 – 73 Кейн (пенальти), 7:2 – 78 Кейн (пенальти), 8:2 – 85 Сане, 9:2 – 90+2 Горетцка.

“Бавария”: Нойер (Ульрайх, 46), Дэвис, Ким Мин Чже (Дайер, 69), Упамекано, Геррейру (Горетцка, 81), Павлович, Киммих, Олисе (Сане, 68), Гнабри, Мусиала (Мюллер, 68), Кейн.

“Динамо” Загреб: Невистич, Огивара (Хожа, 73), Пьер-Габриэль (Шпикич, 73), Ммаэ, Теофил-Катрин, Ристовски, Батурина (Адеми, 78), Мишич, Рог (Стойкович, 46), Пяса (Куленович, 61), Петкович.

Огоҳлантириш: Ристовски (77).

“Ювентус” – “ПСВ” 3:1

Голлар: 1:0 – 21 Йилдиз, 2:0 – 27 Маккенни, 3:0 – 52 Гонсалес, 3:1 – 90+3 Сайбари.

“Ювентус”: Ди Грегорио, Камбязо, Бремер, Гатти (Данило, 57), Калулу, Копмейнерс, Локателли (Тюрам, 57), Маккенни (Дуглас Луис, 75), Йилдиз (Фажоли, 69), Влаҳович, Гонсалес (Веа, 69).

“ПСВ”: Дроммел, Дамс (Мауро, 76), Боскали, Фламинго, Ледесма (Нагало, 86), Верман (Сайбари, 62), Схаутен, Тил (Ланг, 62), Тиллман, де Йонг (Пепи, 77), Бакайоко.

“Янг Бойс” – “Астон Вилла” 0:3

Голлар: 0:1 – 27 Тилеманс, 0:2 – 38 Ремзи, 0:3 – 86 Онана.

“Спортинг” – “Лилль” 2:0

Голлар: 1:0 – 38 Докереш, 2:0 – 65 Дебаст.