Ла Лига. “Реал” 5 та гол урилган ўйинда “Алавес”ни мағлуб этди

Футбол бўйича Испания Ла Лигасининг 7-турида “Реал” 24 сентябрь, сешанба куни “Алавес”га қарши баҳс олиб борди.

Учрашувнинг 1-дақиқасидаёқ мадридликлар ҳисобни очди. Винисиус қанотдан ёриб кирди ва Лукас Васкесга тўпни узатди. Васкес эса уни дарвозага жойлаб қўйди. 40-дақиқада Килиан Мбаппе “қаймоқранглилар”нинг навбатдаги голи муаллифига айланди.

Иккинчи бўлим бошида эса Родриго ҳисобни йирик кўринишга олиб келди. “Алавес” ҳам ора-орада вазиятлар яратиб турди ва 85-дақиқага келиб, ҳисобни қисқартирди. Бенавидес ўз номини таблога ёздириб қўйди. Орадан бир дақиқа ўтиб, Гарсия “Алавес”нинг иккинчи голига муаллифлик қилди. Бироқ ушбу голлар “Реал”нинг ғалаба қозонишига тўсқинлик қилмади.

“Реал” ушбу ғалабадан сўнг очколари сонини 17 тага етказди ва турнир жадвалида 2-ўринда бормоқда.

Ла Лига

7-тур

24 сентябрь, сешанба

“Реал” — “Алавес” 3:2

Голлар: 1:0 – 1 Васкес, 2:0 – 40 Мбаппе, 3:0 – 48 Родриго, 3:1 – 85 Бенавидес, 3:2 – 86 Кике Гарсия.

“Реал Мадрид”: Куртуа, Менди, Милитао (Валехо, 80), Рюдигер, Васкес, Беллингем, Тчуамени, Вальверде (Модрич, 69), Винисиус Жуниор (Фран Гарсия, 90), Мбаппе (Гюлер, 80), Родриго (Эндрик, 69).

“Алавес”: Сивера, Санчес (Пика, 71), Диарра, Абкар (Гуриди, 46), Моуриньо, Антонио Бланко (Гевара, 60), Бенавидес, Конечни, Новоа, Вилялибре (Кике Гарсия, 71), Ромеро (Реббаш, 60).

Огоҳлантиришлар: Вальверде (4), Винисиус Жуниор (30), Эндрик (83), Модрич (90+6).