Футбол бўйича УЕФА Суперкубоги баҳсида “Реал Мадрид” ва “Аталанта” клублари учрашди. Учрашув 2:0 ҳисобида якунланди.
Голларга ярим ҳимоячи Федерико Вальверде ва жамоага янги қўшилган Килиан Мбаппе муаллифлик қилишди.
Шу тариқа, “Реал Мадрид” бош мураббийи Карло Анчелотти қироллик клуби тарихида қўлга киритган совринлар сони бўйича Мигел Мунёсга тенглашди. Иккала мураббий ҳисобида ҳам 14 та соврин мавжуд.
Иккинчи ўрин “Реал” билан 11 та совринни қўлга киритган Зинедин Зиданга насиб этди. Кучли бешликни Луис Молоуни (8 соврин) ва Висенте Дел Боске (7 кубок) якунлаб турибди.
Италиялик мутахассис 2013/2014 йилги мавсумдан 2014/2015 йилги мавсумгача бўлган илк фаолияти давомида тўртта совринни қўлга киритди. Мураббийнинг иккинчи тайинланиши 2021/2022 йилги мавсумда амалга оширилди. Уч мавсумда Анчелотти 10 та соврин, шу жумладан, икки бор Чемпионлар Лигаси бош совринини қўлга киритди.
Изоҳ (0)