Франция терма жамоасининг собиқ ярим ҳимоячиси Жером Ротен Килиан Мбаппени танқид остига олди.
Франция терма жамоаси Миллатлар Лигаси доирасида Исроилни 4:1 ҳисобида мағлуб этди. Мбаппе эса бу вақтда Стокгольмдаги тунги клублардан бирида кўзга ташланган.
Килиан жароҳатидан тўлиқ тузалмагани сабабли, Франция термасидан чақирув олмаганди.
“Реал” душанба ёки сешанба куни машғулотларга қайтадиган Мбаппега Швецияга кетиши учун рухсат берган. Шунингдек, клуб ходимлари Ла Лига ва Чемпионлар Лигаси ўйинларига тайёргарлик кўриш учун индивидуал дастурни ҳам юборган.
Ҳужумчи бўш вақтидан фойдаланиб, Стокгольмга қариндошларини ва “ПСЖ”даги жамоадоши Норди Мукиэлени кўргани ташриф буюрган.
Ротен эса Килианнинг Стокгольмдаги “саргузаштларини” танқид қилди.
“Килиан бу нарсалар, айниқса, Франция ўйнаётган вақтда қандай ёмон кўриниши тушунмаяпти. Ҳа, унда энди бўш вақтлар пайдо бўлди. Муаммо шундаки, у Франция терма жамоасини ҳам бу ишга аралаштирмоқда.
Сен ҳаммага дам олиш, танаффус кераклигини тушунтирасан, кейин эса Дидье Дешамга, бутун терма жамоага, Франция халқига терма жамоанинг ўйини умуман қизиқ эмаслигини билдирасиз. Фотосуратлар ёрдамида сен барчасидан устун эканлигингни кўрсатмоқчи бўласан.
Биз сени кўтардик, Эйфель минорасидан-да баландроқ жойлаштирдик ва энди сенинг бундай тасаввур яратишга, бундай хато қилишга ҳаққинг йўқ. Бўлиб ўтган воқеа Мбаппенинг ҳамма нарсадан, Дешамдан ҳам юқори эканлигини кўрсатди. Дидье Дешамдан масъулиятни ўз зиммасига олиб, ундан сардорлик боғичини олиб қўйишини сўрардим”, — дейди Ротен.
Изоҳ (0)