Мбаппе хайрлашув маросимига Франция президентини таклиф қилди

“ПСЖ” ҳужумчиси Килиан Мбаппе клубдан кетиши муносабати билан Париж марказида 250 киши учун хайрлашув маросимини ташкил қилди.

Таклиф қилинган меҳмонлар рўйхатида Франция президенти Эммануэл Макрон ҳам бор эди, у футболчи билан бир неча бор учрашувлар ўтказган. Тадбирда бўлган журналистлар давлат раҳбарини кутишган, аммо у кечки овқатда қатнашмаган. “ПСЖ” президенти Носир ал-Хелайфи ҳам таклиф этилганлар рўйхатида бўлган, аммо у ҳам кечки овқатда кўриниш бермаган. 

2024 йилнинг ёзида 25 ёшли футболчининг Париж клуби билан шартномаси тугайди ва у эркин агент сифатида “Реал”га ўтади. Мбаппе “қироллик клуби” билан 5 йиллик шартнома имзолайди. Ҳужумчи “Реал”да йилига 15 миллион евро олади — бу “ПСЖ”даги маошидан камроқ. Футболчининг трансфери ҳақидаги расман июнь ойида эълон қилиниши кутилмоқда.

Аввалроқ, ОАВда Мбаппе “Реал” билан 2029 йилгача мўлжалланган шартнома имзолагани ҳақида маълумот пайдо бўлганди. Ўз навбатида, клуб президенти Флорентино Перес Карло Анчелоттининг мураббийлар штабига Мбаппе “Реал Мадрид”нинг янги футболчисига айланиши ҳақида хабар берди.

• Жорий мавсумда Мбаппе ПСЖ сафида 47 та ўйинда майдонга тушиб, 44 та гол урди ва 10 та голли узатмани амалга оширди.
• Чемпионат якунларига кўра, ҳужумчи 27 та гол ва 7 та голли узатма билан чемпионат тўпурари деб топилди.