“ПСЖ” ҳужумчиси Килиан Мбаппе парижликларнинг келаси мавсум учун уй либоси тақдимотида иштирок этмади.
https://x.com/PSG_inside/status/1788826283759022318
“ПСЖ” матбуот хизмати Х (собиқ Twitter) ижтимоий тармоғида эълон қилган видеода биринчи ва аёллар жамоаларининг баъзи футболчилари қатнашган, бироқ парижликларнинг асосий юлдузи ушбу фотосессияда қатнашмади.
Эслатиб ўтамиз, аввалроқ ОАВ Мбаппе “Реал” билан 2029 йилгача мўлжалланган шартнома имзолагани ҳақида хабар берган эди.
Ҳужумчи жамоадошлари ва “ПСЖ” мураббийлар штабига жорий мавсум якунида жамоани тарк этишини айтган. Ўз навбатида, “Лос Бланcос” президенти Флорентино Перес Карло Анчелоттининг мураббийлар штабига Мбаппе “Реал Мадрид”нинг янги футболчисига айланиши ҳақида хабар берган.
Мбаппе 2018 йилдан бери “ПСЖ”да ўйнаб келмоқда. Ҳужумчининг клуб билан шартномаси 2024 йилнинг ёзига қадар мўлжалланган. Айни дамда футболчининг трансфер қиймати 180 миллион еврога баҳоланмоқда.
Изоҳ (0)