Kilian Mbappe “Real”ga jinsiy zo‘ravonlik bo‘yicha ayblovlar ortida “PSJ” turganini aytib o‘tgan.
Shvetsiya prokuraturasi fransiyalik futbolchining ismini tilga olmagan holda, jinsiy zo‘ravonlik bo‘yicha shikoyatdan keyin dastlabki tergovni boshlagani haqida e’lon qilgan. Ko‘p o‘tmay, jablanuvchi Mbappeni voqeaning asosiy aybdori deya atagani haqida ma’lumot paydo bo‘ldi.
Cadena SER jurnalisti Xavi Erraesning ta’kidlashicha, fransuz “Real”ni vaziyat ortida “PSJ” turganiga ishontirgan. Parijliklar va Mbappe o‘rtasida 55 million yevrolik qarz borasida sud jarayonlari bo‘lib o‘tayotgani asosiy sabab bo‘lishi mumkinligi aytilgan.
“Madrid klubidan hech kim Stokgolmda bo‘lmagan. Kilian ularga nima deganini biladi. Bu Nosir al-Helayfining (“PSJ” prezidenti) tuzog‘i ekanligiga uning ishonchi komil.
Madridliklar Mbappe Fransiyadan katta bosim bo‘layotganini ko‘rib turibdi. Biz qaysi OAV “PSJ” tomonidan nazorat qilinishini bilamiz, aynan ular ko‘proq bosim qilyapti va vaziyatga xalaqit qilmoqda”, — deydi Erraes.
Izoh (0)