Футбол бўйича Испания чемпионатининг 5-турида “Реал” клуби “Реал Сосьедадъни мағлуб этди — 2:0. Мадридликлар бош мураббийи Карло Анчелотти учун бу ўйин кетма-кет мағлубиятсиз 32-ўйин бўлди ва бу унинг янги шахсий рекордига айланди.
Италиялик мутахассис бошчилигидаги “Реал” сўнгги бор шу йилнинг январь ойида “Атлетико”га қарши ўйинда (2:4) мағлуб бўлганди.
Анчелотти ўзининг олдинги энг яхши мағлубиятсиз сериясини “Реал Мадрид”даги 2013—2014 йилги мавсумда (31 ўйин) қайд этганди.
Эслатиб ўтамиз, “Реал Сосьедад” билан ўйинда мадридликлар сафида Килиан Мбаппе ва Винисиус Жуниор гол уришга муваффақ бўлди. Ҳар икки футболчи пенальтидан гол урди. Жамоа кейинги ўйинни Чемпионлар Лигаси доирасида “Штутгарт”га қарши ўтказади. Ўйин эртага, 17 сентябрь куни бўлиб ўтади.
Изоҳ (0)