“ПСЖ” ҳужумчиси Килиан Мбаппе Франция клубини тарк этиб, “Реал”га ўтиши ҳақида маълумотлар мавжуд. Sky Sports хабарига кўра, томонлар беш йиллик шартнома имзолайди.
Франциялик футболчи “Реал”да йилига 15 миллион евро олади — бу унинг Париждаги маошидан камроқ. Футболчи шартнома имзолаган пайтда 150 миллион евро миқдоридаги бонусга эга бўлади. Мбаппенинг трансфери ҳақида июнь ойида эълон қилиниши кутилмоқда.
Эслатиб ўтамиз:
- ОАВда Мбаппе “Реал” билан 2029 йилгача мўлжалланган шартнома имзолагани ҳақида маълумот пайдо бўлганди.
- “Реал” президенти Флорентино Перес Карло Анчелотти бошчилигидаги мураббийлар штабига Мбаппе “Реал Мадрид”нинг янги футболчисига айланиши ҳақида хабар берган.
Жорий мавсумда Мбаппе “ПСЖ” сафида барча турнирларда 47 та ўйин ўтказиб, 44 та гол ва 10 та голли узатмани амалга оширди.
Transfermarkt интернет портали маълумотларига кўра, Мбаппенинг бозор қиймати 180 миллион еврони ташкил қилади.
Изоҳ (0)