Килиан Мбаппе Франция терма жамоасининг октябрь ойидаги ўйинларини ўтказиб юборади.
Дидье Дешам бошчилигидаги терма жамоа 10 ва 14 октябрь кунлари Исроил ва Бельгия терма жамоаларига қарши ўйинлар ўтказади.
Франциянинг октябрь ойидаги ўйинлар учун қайдномаси бугун эълон қилинади. L’Equipe нашрининг хабар беришича, Мбаппе 23 кишилик қайдномадан жой олмайди.
Дешам “Реал” билан келишиб олган ҳолда Мбаппе жароҳатидан тузалиб олиши учун вақт беради. Лекин Килиан Чемпионлар Лигаси доирасидаги “Лилль”га қарши (0:1) ўйинда иштирок этди.
Бироқ футболчи катта эҳтимол билан 5 октябрь куни бўлиб ўтадиган “Вильярреал”га қарши ўйинни ўтказиб юборади.
Изоҳ (0)