Ла Лига. “Реал” сафарда “Лас-Палмас”ни енга олмади

Футбол бўйича Испания чемпионатининг 3-турида “Реал” 29 август, пайшанба куни “Лас-Палмас”га қарши баҳс олиб борди.

Учрашувнинг 5-дақиқасида Молейро “Лас-Палмас”ни ҳисобда олдинга олиб чиқди. Биринчи бўлим шу ҳисоб билан якунланди.

Иккинчи бўлимда эса тўпни назорат қилган мадридликлар пенальти ишлаб олишга муваффақ бўлди. 69-дақиқада Винисиус Жуниор пенальтини аниқ амалга оширди. Қолган дақиқаларда дарвозалар ишғол этилмади ва учрашув дуранг билан якунланди.

Карло Анчелотти шогирдлари ортда қолган 3 турдан сўнг 5 очко билан 5-ўринда бормоқда.

Ла Лига

3-тур

29 август, пайшанба

“Лас-Палмас” — “Реал” 1:1

Голлар: 1:0 – 5 Молейро, 1:1 – 69 Винисиус Жуниор (пенальти).

“Лас-Палмас”: Силлессен, Мармол, Маккенна, Суарес, Марвин, Кампаня (Луаодис, 81), Молейро (Бенито Рамирес, 61), Родригес (Фустер, 81), Хави Муньос, Сандро Рамирес (Вити, 78), Макберни (Мата, 78).

“Реал Мадрид”: Куртуа, Менди (Фран Гарсия, 46), Рюдигер, Милитао, Васкес (Карвахаль, 76), Тчуамени, Вальверде, Винисиус Жуниор (Эндрик, 86), Модрич (Гюлер, 64), Браим Диас (Родриго, 46), Мбаппе.

Огоҳлантиришлар: Менди (40), Каррон (74), Милитао (88).