“ПСЖ” ҳужумчиси Килиан Мбаппе 2024 йилда Парижда бўлиб ўтадиган Олимпиада ўйинлари учун Франция терма жамоаси қайдномасига киритилмади.
Франция У-21 терма жамоаси бош мураббийи Терри Анри нима сабабдан “ПСЖ” ҳужумчиси Килиан Мбаппени терма жамоанинг 2024 йилги Олимпиада учун футболчилар рўйхатига киритмаганини тушунтирди.
“Мен гаплашган одамлар гапни қисқа қилди. Охирги марта мен университетда шунча бор рад жавобини олганман. Ҳеч қандай музокаралар бўлмади. Сиз борасиз сўрайсиз, улар сизга “йўқ” дейди ва сиз кетасиз”, — дея Анри сўзларини келтиради журналист Дани Гил Х (собиқ Twitter) ижтимоий тармоғида.
2024 йилги ёзги Олимпия ўйинлари 2024 йилнинг 26 июлидан 11 августига қадар бўлиб ўтади. Аввалроқ “Реал Мадрид” Мбаппе трансферини яқин орада эълон қилиши ҳақида маълумот пайдо бўлганди. Ўтган мавсумда франциялик ҳужумчи 48 та ўйин ўтказиб, 44 та гол урди ва 10 та голли узатмани амалга оширди.
Нуфузли Transfermarkt интернет-портали франциялик форварднинг бозор қийматини 180 миллион еврога баҳолаган, Мадриднинг “Реал” клуби Испания чемпионлигини қўлга киритда ва Чемпионлар Лигаси финалида Дортмунднинг “Боруссия” клубини мағлуб этганди.
Эслатиб ўтамиз, Франция терма жамоаси таркибида Килиан Мбаппе 2018 йилда Жаҳон чемпионига айланганди. Ҳужумчи Франция терма жамоасининг Миллатлар Лигасида ғолиб чиқишига ҳам ёрдам берган.
Изоҳ (0)