“Реал” Реклама суратидан Килиан Мбаппени олиб ташлади.
Мадридликлар адидас компанияси билан ҳамкорликдаги суратини эълон қилди. Унда “Реал” ҳужумчиси кўриниш бермаган.
Худди шу сурат Х (Twitter) га Жуд Беллингем томонидан ҳам жойлаштирилди. Унда эса Мбаппени кўриш мумкин.
Мадрид клуби матбуот хизматининг маълум қилишича, суратдаги ўзгаришлар Килианнинг жинсий зўравонликда айбланаётганига боғлиқ эмас. Таъкидланишича, ушбу сурат адидас компаниясига тегишли ва Килиан Мбаппе Nike билан шартномаси борлиги сабабли суратни ўзгартиришга тўғри келган.
Бироқ, реклама кампаниясида Nike билан келишувга эга бўлган Эдуардо Камавингани ҳам кўриш мумкин.
Аввалроқ, Стокгольмда аёл жинсий зўравонлик бўйича полицияга мурожаат қилгани ва бу ҳодиса Мбаппе билан боғлиқ эканлиги хабар қилинганди. Ҳужумчининг ўзи эса бу хабарни ёлғонлигини таъкидлаган.
Швеция прокуратураси Мбаппенинг исмини тилга олмаган ҳолда, жинсий зўравонлик бўйича дастлабки тергов ҳаракатлари бошланганини эълон қилган.
Изоҳ (0)