Франция спорт вазири Амели Оудеа-Кастера ҳужумчи Килиан Мбаппенинг “ПСЖ”ни тарк этиши ва Париждаги Олимпиададаги иштироки ҳақида гапирди.
У бизга жуда кўп нарса берди. Мбаппе Франция чемпионатини илҳомалантирди. Очиғи, биз уни юртимизда кўпроқ майдонда кўришни, тез-тез ўйинларидан баҳраманд бўлишни хоҳлашимиз сабаб унинг кетишидан хафамиз.
Аммо у карьерасини қуришда давом этиши керак, қарорни унинг ўзи қабул қилади. Айтмоқчиманки, у Франция терма жамоасида бизнинг сардоримиз бўлиб қолмоқда ва мен унинг Олимпиада ўйинларида ўйнашини жуда хоҳлайман, — дея Амели Оудеа-Кастеранинг сўзларини келтирмоқда RMC Sport.
Эслатиб ўтамиз, Мбаппе 2024 йил февраль ойининг биринчи ҳафтасида “Реал” билан шартнома имзолагани ҳақида хабар берилган эди.
- Футболчининг клуб билан шартномаси 5 йилга мўлжалланган.
- Унинг Париждаги Олимпиада ўйинларидаги иштироки Мадрид клубининг сиёсати туфайли шубҳа остида.
- Клуб футболчиларини Олимпиада мусобақаларига қўйиб юбормаслиги ҳақида хабарлар тарқаганди.
Изоҳ (0)