Польша марказидаги Отвоск шаҳрида жойлашган бошланғич мактаб ҳудудидан Иккинчи жаҳон уруши даврида портламай қолган бомба топилди. Бинодаги барча одамлар шу заҳоти эвакуация қилинган.
Бу ҳақда “ТАСС” агентлиги хабар берди.
Унга кўра, бомба маҳаллий вақт билан соат 11:00 атрофида мактабдаги ер участкасида ишлаётган ишчилар томонидан топилган.
“Ўша вақтда мактаб биносида 355 нафар ўқувчи ва ходимлар бўлган. Уларнинг барчаси эвакуация қилиниб, воқеа жойига сапёрлар етиб келган”, деди маҳаллий полиция матбуот котиби Патрик Домарецкий.
Аввалроқ Германиянинг Кёльн шаҳрида Иккинчи жаҳон урушидан қолган бомба топилгани туфайли 7 мингга яқин одам эвакуация қилингани хабар берилганди.
Тахминий ҳисоб-китобларга кўра, Иккинчи жаҳон уруши охирида Германияга 2 миллиондан ортиқ турли калибрли бомбалар ташланган, уларнинг 10-20 фоизи портламаган.
Изоҳ (0)