Ўзбекистон фуқаролари Польшага ишга таклиф қилинмоқда. Бу ҳақда Ташқи меҳнат миграцияси агентлиги ахборот хизмати хабар берди.
Маълум қилинишича, иш тури — қолиплаш (опалубшик), металл конструкцияларни маҳкамлаш/темирчи (монтажник металлоконструксий). Номзодлар учун қуйидаги талаблар қўйилган:
- 18-45 ёш;
- рус ёки инглиз тилларини билиш;
- сўралаётган бўш иш ўринлари бўйича иш тажрибаси (тасдиқловчи ҳужжат қўшимча устунлик беради);
- судланмаган;
- хорижга чиқиш тақиқланмаган;
- жисмонан ва руҳан соғлом;
- зарарли одатлардан ҳоли.
Иш ҳақи 750 евродан бошланади. Ётоқхона, тиббий суғурта, Польшада рўйхатдан ўтиш, ётоқхонадан иш жойигача транспорт харажатлари иш берувчи ҳисобидан. Қуйидаги харажатлар фуқаро ҳисобидан:
- виза тўлови;
- авиачипта;
- агентлик тўлови;
- овқатланиш харажатлари.
Эслатма: 100 нафар номзод рўйхатдан ўтгандан кейин қабул тўхтатилади.
Изоҳ (0)