Россия президенти Владимир Путин америкалик журналист Такер Карлсонга интервью бериб, унда поляклар Адолф Гитлерни 1939 йилда Иккинчи жаҳон урушини бошлашга “мажбур қилгани” ҳақида айтиб ўтганди.
Польша ташқи ишлар вазири Радослав Сикорски Путиннинг бу гапларига муносабат билдирди.
Вазир бундай “тўқима ривоятлар”ни америкалик журналист Такер Карлсон тарқатаётганидан ҳайратда эканлигини таъкидлади.
“Россия диктатори Владимир Путин 1939 йил 17 сентябрда СССР томонидан босиб олинган Польшани уруш бошлаганликда биринчи марта айблаётгани йўқ. Биз Россиянинг 2022 йилда Украинага бостириб киришини параноик тарзда оқлашга уринишига ўрганиб қолганмиз. Бу сафар америкалик журналист ҳам бунга қўшилганидан ҳайрон қолдик”, — деб ёзган Сикорский.
Изоҳ (0)