Россиянинг ФАБ-500 бомбаларини уриб тушириш деярли мумкин эмас, деди Украина Ҳарбий-ҳаво кучлари вакили Юрий Игнат Washington Post нашрига берган интервьюсида.
“Назарий жиҳатдан, бу бомбаларга қаршилик кўрсатиш мумкин, аммо уларни уриб тушириш жуда қийин. Деярли имконсиз”, — деди у.
Юрий Игнатнинг сўзларига кўра, ягона амалий ечим бомбаларга эмас, самолётларга қарата ўқ узишдир. Бироқ бунинг учун замонавий қирувчи самолётлар керак.
“Бизда авиациянинг етишмаслиги жангга зарар етказмоқда. Биз жуда қийналяпмиз”, — дея ҳаво разведка батальонининг украиналик аскари Александр Солонкодан иқтибос келтиради нашр.
Ҳарбий эксперт, “Арсенал Отечества” журнали муҳаррири Алексей Леонковнинг “РИА Новости”га тушунтиришича, режаланган бомбаларнинг қўлланилиши Украина Қуролли кучлари учун жиддий муаммога айланган. Унинг сўзларига кўра, бутун фронт чизиғи бўйлаб рус қўшинлари ФАБ-500 типидаги бомбалардан фаол фойдаланишни бошладилар. Бу Россия ҳарбийларига Украина ҳаво мудофааси таъсир доирасидан ташқарида туриб ҳаракат қилиш имконини бермоқда.
Изоҳ (0)