Польша президенти Анжей Дуда Украинадан келган номаълум объект туфайли ҳарбий раҳбарият билан шошилинч учрашув тайинлагани тўғрисида хабар берилганди. Польша Қуролли кучлари қўмондони Матсэй Клишга кўра, ушбу объект Россия ракетаси бўлиб, у мамлакат ҳудудига кирган.
Қайд этилишича, ракета Польша ҳудудига 40 километр ичкарига кириб борган ва 3 дақиқа ўтгач, Украина ҳудудига қайтган. Қўмондон сўзларига кўра, ракетанинг Польша ҳудуди узра парвози радар тизимлари томонидан кузатилган.
Польша оммавий ахборот воситаларининг хабар беришича, бу катта эҳтимол билан Россиянинг Х-22 ёки Х-101 қанотли ракетаси бўлган. У Украина ҳаво ҳудудига қайтган ва мамлакат ҳаво мудофааси томонидан уриб туширилган.
Ўз навбатида, мамлакат ташқи ишлар вазири ўринбосари Владислав Теофил Бартошевский Россиянинг Польшадаги муваққат ишлар вакили Андрей Ордашга Варшава ўз ҳаво ҳудудини Россия томонидан бузилганига нисбатан қатъийроқ жавоб қайтаришини маълум қилди.
Изоҳ (0)