Исроил мерос вазири Амихай Элияху Ғазо секторида ядро бомбасидан фойдаланиш эҳтимоли ҳақидаги сўзлари бу ҳукумат томонидан Фаластин халқига қарши амалга оширилаётган терроризмни акс эттиради. Бу ҳақда ҲАМАС вакили Ҳазим Қосимга таяниб, “РИА Новости” хабар берди.
Исроил вазири 5 ноябрь куни Ғазо секторига ядровий зарба беришни “имкониятлардан бири” деб атади. Шундан сўнг Исроил бош вазири Биньямин Нетаньяху уни вазирлар маҳкамаси йиғилишларида иштирок этишини “кейинги огоҳлантиришгача” тўхтатиб қўйди. Кейинроқ у лавозимидан четлатилгани маълум бўлди.
“Ционистик ишғол ҳукумати мероси вазири деб аталмишнинг баёнотлари мазкур фашистик ҳукумат ва унинг раҳбарлари томонидан Фаластин халқига қарши амалга оширилган мисли кўрилмаган жиноий терроризмни акс эттиради”, — деди ҲАМАС вакили.
Шунингдек, Қосим бундай баёнотлар Қўшма Штатларнинг тўлиқ қўллаб-қувватлашидан келиб чиқаётганини айтди.
Изоҳ (0)