Польша президенти Анжей Дуда Киевга эълон қилинмаган ташриф билан келди. У Украина президенти Владимир Зеленский билан учрашади. Унинг сафари Украина Конституцияси кунини нишонлашга тўғри келди.
Давлат раҳбарлари фронтдаги вазиятни, жумладан, “Россиянинг Запорожье атом электр станциясига ҳужум қилиш хавфини муҳокама қилади”, дейилади матбуот хизмати хабарида. Икки давлат президентлари 11-12 июль кунлари Вилнюсда бўлиб ўтадиган НАТО саммитига тайёргарлик ҳақида ҳам гаплашиши кутилмоқда.
4 апрель куни Владимир Зеленский Варшавага ташриф буюрди, бу унинг бир йилдан ортиқ вақт давомида биринчи хорижий ташрифи бўлди. Польша расмийлари уни Оқ бургут ордени билан тақдирлади, шунингдек, бу ёзда НАТОдан қўшимча қуроллар юбориш ва хавфсизлик кафолатларини таъминлашга ёрдам беришга ваъда беришди.
Бугун, 28 июнь куни Литва президенти Гитанас Науседа ҳам эълон қилинмаган ташриф билан Киевга келди, у ҳам Владимир Зеленский билан учрашиши кутилмоқда.
Изоҳ (0)