Sirdaryo viloyatida qalbaki AQSH dollarlarini sotayotgan shaxslar ushlandi, deb xabar berdi Bosh prokuratura huzuridagi Departament.
Maʼlum qilinishicha, fuqaro E.B. (muqaddam sudlangan) va boshqalar fuqaro M.X.ga Oqoltin tumanidagi “Sardoba” YPX maskani oldida 100 dollarlik kupyuradagi qalbaki 1 600 dollarni 10,2 mln so‘mga sotgan vaqtida ushlangan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Qalbaki kupyuralar savdosi
Avvalroq Toshkent viloyatida 10 ming dollarni noqonuniy sotishga uringan shaxslar ushlangani, Toshkent viloyatida qalbaki 100 ming so‘mlik kupyuralarni tayyorlash bilan shug‘ullangan oila aniqlangani to‘g‘risida xabar berilgandi.
Shuningdek, Toshkent viloyatida olgan qarzi o‘rniga qalbaki 3,2 ming dollar bergan shaxs ushlangandi. Bundan tashqari, Andijon viloyatining Asaka tumanida qalbaki 100 million so‘m pulni 57 million so‘mga sotishga uringan shaxslar qo‘lga olingan.
Shu bilan birga, Farg‘ona viloyatining Qo‘shtepa tumanida qalbaki 100 ming so‘mlik kupyura tayyorlab, uni muomalaga kiritgan ayol ushlangandi.
Izoh (0)