Сирдарё вилоятида қалбаки АҚШ долларларини сотаётган шахслар ушланди, деб хабар берди Бош прокуратура ҳузуридаги Департамент.
Маълум қилинишича, фуқаро Э.Б. (муқаддам судланган) ва бошқалар фуқаро М.Х.га Оқолтин туманидаги “Сардоба” ЙПХ маскани олдида 100 долларлик купюрадаги қалбаки 1 600 долларни 10,2 млн сўмга сотган вақтида ушланган.
Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
Қалбаки купюралар савдоси
Аввалроқ Тошкент вилоятида 10 минг долларни ноқонуний сотишга уринган шахслар ушлангани, Тошкент вилоятида қалбаки 100 минг сўмлик купюраларни тайёрлаш билан шуғулланган оила аниқлангани тўғрисида хабар берилганди.
Шунингдек, Тошкент вилоятида олган қарзи ўрнига қалбаки 3,2 минг доллар берган шахс ушланганди. Бундан ташқари, Андижон вилоятининг Асака туманида қалбаки 100 миллион сўм пулни 57 миллион сўмга сотишга уринган шахслар қўлга олинган.
Шу билан бирга, Фарғона вилоятининг Қўштепа туманида қалбаки 100 минг сўмлик купюра тайёрлаб, уни муомалага киритган аёл ушланганди.
Изоҳ (0)