Farg‘ona viloyatida fuqaro bilan til biriktirib 5,6 mlrd so‘mlik gazni “o‘g‘irlagan” gaz ta’minot korxonasi mansabdorlariga sud hukmi e’lon qilindi. Bu haqda Bosh prokuratura xabar berdi.
Qayd etilishicha, yoqilg‘i-energiya resurslaridan noqonuniy foydalanish holatlarini sodir etgan shaxslarga nisbatan qonun ustuvorligi va jazo muqarrarligi ta’minlanmoqda.
Farg‘ona viloyati, Marg‘ilon shahrida fuqaro T.M. va boshqalar gaz ta’minot korxonasi mansabdor shaxslari bilan oldindan til biriktirgan holda chorva fermasi hududida noqonuniy ohak sexi tashkil qilib, 5,6 mlrd so‘mlik 2,1 mln kub metr tabiiy gazni o‘g‘rilik yo‘li bilan talon-toroj qilgani yuzasidan jinoyat ishi qo‘zg‘atilgan.
Mazkur jinoyat ishi bo‘yicha chiqarilgan sudning hukmiga ko‘ra, sudlanuvchilar Jinoyat kodeksining 169-moddasi 4-qismi “a” bandi bilan aybdor deb topilib, ta’minot korxonasi rahbari M.M.ga 10 yil, uning o‘rinbosari X.M.ga 9 yil, ta’minot korxonasi xodimi A.T.ga 8 yil va fuqaro T.M.ga 4 yil ozodlikdan mahrum qilish jazosi tayinlangan.
Kuni kecha Farg‘ona viloyatidagi tumanlardan birining Majburiy ijro byurosi boshlig‘i o‘z xizmat vakolatidan foydalangan holda, bo‘ysunuvidagi davlat ijrochisi ish yurituvida bo‘lgan fuqarolik ishlari bo‘yicha sudning ijro varaqasi bo‘yicha javobgarlarni ushbu tumandagi xonadondan majburiy tartibda ko‘chirish yuzasidan ijro harakatlarini yakunlab berish evaziga 2 ming AQSH dollari talab qilgangani haqida xabar berilgandi.
Pora olish bilan bog‘liq boshqa jinoyatlar
16-iyunda Qashqadaryoda soliq idorasi mansabdori pora olayotganda ushlangandi. 5-iyun kuni DXX Qoraqalpog‘istonda bog‘cha mudiraligi uchun 15 million so‘m, bog‘ inspektorligiga esa 3 ming dollar talab qilgan rahbarlarni qo‘lga olgandi. Xorazmda O‘simliklar karantini va himoyasi bo‘limi boshlig‘i 10 ming dollar olayotganida ushlangandi.
Izoh (0)