Qashqadaryo viloyati Kasbi tumanida ayol o‘zi va qizining nomusini saqlash uchun erini o‘ldirdi. Bu haqda “Zamon” dasturida xabar berildi.
Keltirilishicha, hodisa 10-fevral kuni tunda Kasbi tumanidagi qishloqlarning birida sodir bo‘lgan. Ayol jahl ustida o‘z turmush o‘rtog‘ini bo‘ynidan pichoqlab o‘ldirgan. Sud hujjatlariga ko‘ra, 8 yil davomida xorijda ishlab yurgan er uyga qaytgach, qarindoshlarini mehmonga chaqirgan.
Ziyofatda spirtli ichimlik ichgan er mast bo‘lib xayoliga kelgan rashk tufayli avval talaba qizini, keyin xotinini xiyonatda ayblab, mehmonlar oldida badnom qila boshlagan. Haqoratlar bilan ularni tahqirlagan.
“U meni o‘ldirmoqchi bo‘ldi. O‘zim va qizimning nomusini saqlash uchun shu ishni qildim. Atayin qilmadim”, deydi ayol.
Sud hukmi bilan ayol 6 yil muddatga ozodlikdan mahrum qilindi.
Jinoyat bilan yakunlangan janjallar
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi.
- Farg‘onada erkak bir guruh do‘stlari bilan sobiq kuyovini do‘pposladi.
- Chinozda uka o‘z opasini o‘ldirib, 7 kun uyda saqladi.
- Samarqandda qaynona kelinini quvvatlagich simi bilan bo‘g‘ib o‘ldirdi.
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi.
- Namanganda erkak do‘konda xotinini pichoqlab o‘ldirdi.
- Surxondaryoda ayoliga tazyiq o‘tkazgan erkak qamaldi.
Izoh (0)