Farg‘ona viloyati Quva tumani “Go‘zal” mahallasida yashovchi X.K. rafiqasi M.K.ni xiyonatda ayblab, pichoqlagan.
Bosh prokuratura matbuot xizmatining “Daryo”ga xabar berishicha, xiyonatda ayblash asos bo‘lib X.K. ruhiyatida o‘zgarish yuz bergani voqeaga sabab bo‘lgan. U rafiqasi M.K.ning turli joylariga xo‘jalik pichog‘i bilan bir necha marotaba urib tan jarohati yetkazgan.
Ayol yordam so‘rab baqirganida, ovozini eshitgan ovsini hovliga yugurib chiqqan va X.K.ni to‘xtatib qolgan. M.K. og‘ir ahvolda shifoxonaga yotkazilgan. Bosh prokuratura shifokorlar uning hayotini saqlab qolganini ma’lum qilgan.
Holat yuzasidan X.K.ga nisbatan Jinoyat kodeksining 25, 97-moddasi 1-qismi bilan jinoyat ishi qo‘zg‘atilgan. Ayni damda tergov harakatlari olib borilmoqda.
Mavzuga doir: Denovda er-xotin janjali pichoqbozlik bilan yakun topdi
Izoh (0)