Sirdaryo viloyati Xovos tumanida yashovchi ayol turmush o‘rtog‘i bilan janjallashib, o‘zini yoqib yubordi. Bu haqda “Daryo”ga IIV tizimidagi manbalari xabar berdi.
Voqea 21-sentabr kuni sodir bo‘lgan. Ayol turmush o‘rtog‘i bilan o‘zaro oilaviy kelishmovchik oqibatida kelib chiqqan janjal davomida benzin yoqilg‘isini ustidan quyib, o‘zini yoqib yuborgan.
Ayol olgan tan jarohatlari oqibatida 27-sentabr kuni shifoxonada vafot etgan.
Mazkur holat yuzasidan shu kuni prokuratura tomonidan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)