Ukraina harbiylari 15-iyun kuni Rossiyaning Tatariston viloyatidagi Yelabuga shahridagi rus dronlari zavodiga hujum qildi. Bu haqda The Guardian xabar berdi.
Hujum joyi Ukrainadan 1000 km uzoqlikda joylashgan. Ukraina harbiy bosh shtabi ushbu zavod mamlakat energetika va fuqarolik infratuzilmasiga qarshi dronlarni ishlab chiqargani, sinovdan o‘tkazgani va uchirganini davo qilgan. Ijtimoiy tarmoqlardagi videolarda Shahed dronlarini ishlab chiqaradigan Yelabuga yoki Alabuga shahridagi zavodda portlash sodir bo‘lgani tasvirlangan. Rossiyalik mahalliy gubernator hujumni tasdiqlagan.
Bundan tashqari, Rossiya qo‘shinlari Ukrainaning Poltava viloyatidagi Kremenchuk neftni qayta ishlash zavodiga raketa va dronlar bilan zarba bergani haqida 15-iyun kuni Rossiya Mudofaa vazirligi bayonot bergan. Ukraina prezidenti Vladimir Zelenskiy Poltava markaziy viloyatiga hujumni Ukraina energetika infratuzilmasiga qabih zarba sifatida qoralagan. Ukraina rasmiylarining aytishicha, zarbalar asosan energetika, qishloq xo‘jaligi va fuqarolik obyektlariga berilgan.
Urushlarni o‘rganish institutining ma’lum qilishicha, Rossiya qo‘shinlari Sumi viloyati shimolida, Kupyansk, Seversk, Chasiv Yar va Toretsk yaqinida oldinga siljigan. Rossiya Mudofaa vazirligi 15-iyun kuni o‘z kuchlari Rossiyada Ulyanovka nomi bilan tanilgan Donetsk viloyatidagi Malynivka qishlog‘ini nazorat ostiga olganini da’vo qilgan. Zelenskiy 14-iyun kuni Ukraina qo‘shinlari Sumi shimoli-sharqidagi Andriyevka qishlog‘idan rus qo‘shinlarini chiqarib yuborganini aytgan.
Izoh (0)