Janubiy Koreya hukumati ikki tomonlama munosabatlarni yaxshilashga intilish maqsadida Koreya xalq demokratik respublikasi chegarasida joylashgan radiokarnaylar orqali Pxenyanni tanqid qiluvchi dasturlarni efirga uzatishni to‘xtatdi. Bu haqda Yonhap agentligi xabar berdi.
“Bu qaror Koreya yarimorolida Koreyalararo ishonch va tinchlikni tiklash va’dasini amalga oshirish bo‘yicha sa’y-harakatlar doirasida qabul qilindi”, deya Qo‘shma shtablar qo‘mitasi vakilining so‘zlarini keltiradi agentlik.
Eshittirishlar o‘tgan yilning iyun oyida Pxenyan Janubiy Koreyaga axlat to‘ldirilgan havo sharlarini jo‘natganiga javoban qayta boshlangan edi
2024-yil may oyining oxiridan boshlab Shimoliy Koreya Janubga minglab axlat to‘ldirilgan sharlarni yubordi. Bu Janubiy Koreyadagi shimoliy koreyalik qochqinlar havo sharlari yordamida KXDRga yuborayotgan targ‘ibot varaqalariga javoban qilingan edi
3-iyun kuni Janubiy Koreyada muddatidan oldin prezident saylovi o‘tkazildi. Unda Birlashgan demokratik partiyadan nomzod Li Je Myong g‘alaba qozondi.
Iyun oyi boshida Janubiy Koreyaning yangi prezidenti Li Je Myong aloqa kanallarini ochish va Shimol bilan Koreya yarimorolida mustahkam tinchlik o‘rnatish uchun muloqot hamda hamkorlikni davom ettirish niyatida ekanini ma’lum qildi. Shu bilan birga, u o‘z hukumati Shimoliy Koreyaning ehtimoliy tahdidiga qarshi Janubiy Koreya, AQSH va Yaponiyaning mustahkam harbiy ittifoqiga asoslangan “kuchli tiyib turish” yordamida kurashishini ta’kidladi.
Izoh (0)