Osiyo qit’asida 2026-yilgi Jahon chempionati saralashining 3-bosqichi nihoyasiga yetdi. Unda 18 ta terma jamoa 3 ta guruhga bo‘lingan holda mundial yo‘llanmasi uchun bahs olib bordi. Natijalarga ko‘ra, Yaponiya, Eron, O‘zbekiston, Janubiy Koreya, Iordaniya va Avstraliya to‘g‘ridan-to‘g‘ri JCH-2026 yo‘llanmasiga ega chiqdi.
A guruhi
Bu guruhda Eron 23 ochko bilan birinchi o‘rinni egalladi, O‘zbekiston esa 21 ochko jamg‘argan holda ikkinchi bo‘ldi va ilk bor Jahon chempionatiga yo‘l oldi. BAA (15 ochko) hamda Qatar (13 ochko) esa saralashning pley-off bosqichiga yo‘llanma oldi.
Qirg‘iziston (8) va Shimoliy Koreya (3) mundial sari kurashni to‘xtatdi.
10-tur natijalari:
- O‘zbekiston — Qatar 3:0
- Eron — Shimoliy Koreya 3:0
- Qirg‘iziston — BAA 1:1
Yakuniy jadval:
- Eron — 23 ochko
- O‘zbekiston — 21 ochko
- BAA — 15 ochko
- Qatar — 13 ochko
- Qirg‘iziston — 8 ochko
- Shimoliy Koreya — 3 ochko
B guruhi
Janubiy Koreya 22 ochko bilan guruh g‘olibiga aylandi. Iordaniya esa 16 ochko bilan ikkinchi o‘rinni egallab, tarixda ilk bor Jahon chempionatiga chiqdi. Iroq (15) va Ummon (11) jamoalari pley-off bosqichida ishtirok etadi. Falastin (10) va Quvayt (5) saralashni tark etdi.
So‘nggi tur pley-off uchun hal qiluvchi bahslar bilan yakunlandi. Ummon va Falastin 4-o‘rin uchun o‘zaro bellashdi. Durang natija (1:1) Ummonni keyingi bosqichga olib chiqdi, Falastin esa saralashni yakunladi.
10-tur natijalari:
- Iordaniya — Iroq 0:1
- Falastin — Ummon 1:1
- Janubiy Koreya — Quvayt 4:0
Yakuniy jadval:
- Janubiy Koreya — 22 ochko
- Iordaniya — 16 ochko
- Iroq — 15 ochko
- Ummon — 11 ochko
- Falastin — 10 ochko
- Quvayt — 5 ochko
C guruhi
Bu guruhda Yaponiya bir necha turi oldin JCH yo‘llanmasini kafolatlagan edi. Ikkinchi o‘rin uchun Avstraliya va Saudiya Arabistoni kurashdi. Yakunda Avstraliya so‘nggi turda Saudiya Arabistonini 2:1 hisobida mag‘lub etib, mundial yo‘llanmasiga ega chiqdi.
Saudiya Arabistoni (15 ochko) va Indoneziya (12 ochko) pley-offga yo‘llanma oldi. Xitoy (9) va Bahrayn (6) esa JCH sari yurishini qo‘xtatdi.
10-tur natijalari:
- Saudiya Arabistoni — Avstraliya 1:2
- Yaponiya — Indoneziya 6:0
- Xitoy — Bahrayn 1:0
Yakuniy jadval:
- Yaponiya — 23 ochko
- Avstraliya — 19 ochko
- Saudiya Arabistoni — 15 ochko
- Indoneziya — 12 ochko
- Xitoy — 9 ochko
- Bahrayn — 6 ochko
Pley-off formati qanday?
Shunday qilib, JCH-2026ga Osiyodan to‘g‘ridan-to‘g‘ri yo‘llanma olgan 6 jamoa quyidagilar: Yaponiya, Eron, O‘zbekiston, Janubiy Koreya, Iordaniya, Avstraliya.
BAA, Qatar, Iroq, Ummon, Saudiya Arabistoni va Indoneziya pley-off bosqichida ishtirok etadi. Ular ikki guruhga bo‘linib, yana 2,5 ta yo‘llanma uchun kurash olib boradi.
Har bir guruhda 1-o‘rinni egallagan jamoa Jahon chempionatiga to‘g‘ridan-to‘g‘ri yo‘l oladi. Ikkala guruhda 2-o‘rinni egallagan ikki jamoa esa o‘zaro 0,5 yo‘llanma uchun o‘ynaydi. Ushbu g‘olib qit’alararo pley-offda ishtirok etadi.
Izoh (0)