Qozog‘iston harbiy xizmatchilarini Buyuk Britaniyaning oliy harbiy ta’lim muassasalarida o‘qitadi. Ikki davlat harbiy hamkorlik rejasini imzoladi. Bu haqda Qozog‘iston Mudofaa vazirligi xabar berdi.
Hujjatni imzolash Londonda bo‘lib o‘tgan. U yerga Qozog‘iston mudofaa vaziri polkovnik Yerbol Qumarbekovich boshchiligidagi delegatsiya rasmiy tashrif bilan borgan. Tomonlar harbiy hamkorlikning dolzarb masalalari va o‘zaro aloqalarning istiqbolli yo‘nalishlarini muhokama qilgan.
Asosiy yo‘nalishlar tinchlikparvarlik faoliyati, til bo‘yicha tayyorgarlik hamda Qozog‘iston harbiy xizmatchilarini Buyuk Britaniyaning oliy harbiy o‘quv yurtlarida o‘qitishni o‘z ichiga oladi, deyiladi Qozog‘iston Mudofaa vazirligi bayonotida.
Uchrashuv yakunida Qozog‘iston Mudofaa vazirligi hamda Buyuk Britaniya va Shimoliy Irlandiya birlashgan qirolligi mudofaa vazirligi o‘rtasida 2025-2026-yillarga mo‘ljallangan harbiy hamkorlik rejasi imzolangan.
Qozog‘iston harbiylarining jangovar shayligini tekshirmoqda
Mamlakat qurolli kuchlarining jangovar tayyorgarligini tekshirish uchun 2-5-iyun kunlari qator hududlarda tadbirlar o‘tkazdi. Shu tariqa harbiy qism va bo‘linmalarning jangovar shayligi tayyorgarlikdan o‘tkazildi.
Asosiy maqsad — muvofiqlashtirilgan harakatlarni mashq qilish, shaxsiy tarkibning jangovar tayyorgarlik darajasini oshirish, shuningdek, qo‘mondonlik boshqaruvi ko‘nikmalarini rivojlantirish, degan Qozog‘iston Mudofaa vazirligi.
Taktik-saf mashg‘ulotlari davomida bo‘linmalarni jangovar tayyorgarlik signaliga ko‘ra oyoqqa turg‘azish, harbiy texnika kolonnalarining doimiy joylashuv punktlaridan mashg‘ulotlar o‘tkaziladigan hududlarga, poligonlarga va o‘quv markazlariga harakatlanishi ko‘zda tutilgandi.
Izoh (0)