Soch — bu shunchaki tashqi ko‘rinish emas, balki insonning faxri va bezagi. Afsuski, ko‘pchilik sochlarga to‘g‘ri parvarish qilish usullarini bilmaydi va ba’zan o‘zimiz ham sezmasdan ularga zarar yetkazamiz. Shu sababli sog‘lom va chiroyli sochlar uchun oddiy, ammo samarali layfhaklarni bilish juda muhim.
1. Oddiy sochiqni boshqa narsa bilan almashtiring
Sochlarni yuvgandan keyin darhol sochiq bilan quritishga odatlanganmiz. Biroq, odatdagi frotte (yumshoq va g‘adir-budir) sochiqlar sochlarga zarar yetkazadi. Ular ortiqcha ishqalanishga sabab bo‘ladi va sochlarni mo‘rtlashtiradi. Buning o‘rniga, eski paxtalik futbolka yoki mikrofibra sochiqdan foydalaning. Ular yumshoqroq va sochlarga ehtiyotkorona munosabatda bo‘ladi. Sochlarni ehtiyotkorlik bilan arting, qattiq ishqalashdan saqlaning.
2. Sochlarni to‘g‘ri tarang
Tabiiy cho‘tka soch holatini yaxshilaydi: tabiiy yog‘larni ildizdan uchigacha teng taqsimlab, sochlarga jilva va silliqlik beradi. Sochlarni tarashda pastki qismidan boshlab, asta-sekin yuqoriga qarab harakat qiling. Bu tugunlarni muloyimlik bilan yechishga yordam beradi va sochni shikastlamaydi. Shuningdek, nam sochni tarash tavsiya etilmaydi — bu vaqtda ular ayniqsa mo‘rt bo‘ladi.
3. Sochlarni qalinroq ko‘rsatish uchun ko‘z tenidan foydalaning
Ko‘z tenini sochning ajralib turgan joyiga surtish vizual tarzda sochlarni qalinroq qilib ko‘rsatadi. Ayniqsa, ildizlar o‘sgan va bo‘yashga hali vaqt bo‘lmagan paytlarda juda foydali. Yuzingizga mos rangni tanlang, mat bo‘lishi ma’qul — u tabiiyroq ko‘rinadi. Katta yumshoq surtiladigan cho‘tka bilan ehtiyotkorlik bilan surting.
4. Sochlarni ildizidan quritishni boshlang
Fendan foydalanayotganda boshni egib, havoni soch o‘sish yo‘nalishiga qarab, faqat ildizlariga yo‘naltiring. Bu sochni quritib yubormaslik uchun muhim. Bu usul yordamida sochlar yanada silliq va nozik, “uchib turuvchi” tolasiz bo‘ladi.
5. Tish cho‘tkasi bilan sochni silliqlang
Bu biroz g‘alati eshitilishi mumkin, lekin ishlaydi. Agar sizda maxsus cho‘tka bo‘lmasa, foydalanilmagan tish cho‘tkasiga ozgina lak seping va to‘zib chiqqan sochlarni silliqlash uchun undan foydalaning.
6. Sochlarni “puchok” qilib yig‘ish uchun oddiy paypoqdan foydalaning
Sochlarni yig‘ib, oddiy va hajmli “puchok“ yasamoqchimisiz? Oddiy paypoq yetarli. Paypoqning uchini kesib, buklab halqa shaklida aylantiring. Sochlarni “ot dumi” qilib yig‘ing va paypoq halqasidan o‘tkazib, sochni mustahkam joylashtiring. Soch uchlarini ichkariga yashiring va asta-sekin pastga burang. Natijada – silliq va hajmli “puchok” tayyor.
7. To‘lqinlar hosil qilish uchun soch dazmolidan foydalaning
Sochlaringizni kichik o‘rimchalarga bo‘lib, dazmol bilan ustidan bosing. Sal sovishini kutib, o‘rimchalarni yeching — tayyor, tabiiy to‘lqinlar hosil bo‘ladi. Bu usul kechqurun soch o‘rish odatiga o‘xshaydi, lekin tezroq natija beradi.
8. Tunda jingalaklarni himoyalang
Jingalak sochlar nafaqat kunduzi, balki tunda ham e’tibor talab qiladi. Paxtalik yostiq jildlari sochlarni ishdan chiqaradi — ishqalanish sababli sochlar tarqalib, buziladi. Satiin yoki ipak jildlardan foydalaning — ular sochga ziyon yetkazmaydi. Yana bir variant — silliq ro‘mol yoki maxsus satinli qalpoq kiyish. Bu soch namligini ushlab qoladi va ertalab jingalaklar shaklini yo‘qotmaydi.
Izoh (0)