Vaqt hech kimni ayamaydi, deyishadi, lekin Gollivudning ba’zi yulduzlarini tomosha qilib, bunga ishonish qiyin. Yillar o‘tsa-da, ayrim aktyor va xonandalar hali ham o‘n yil avvalgidek yosh va chiroyli ko‘rinadi. Buning siri ajoyib genetika, malakali mutaxassislar tomonidan olib boriladigan parvarish va go‘zallik protseduralarida bo‘lsa kerak.
Jared Leto
Yulduzli ro‘yxatdagi “eng qarimaydigan” mashhurlardan biri bu musiqachi va aktyor Jared Letodir. Muxlislar hatto uni vampir tishlab olgani va endi u abadiy yosh bo‘lib qolgani haqida hazillashadi. Letoning o‘zi, vegetarianizm va sport yaxshi holatda bo‘lishiga yordam berishini aytadi. Masalan, 53 yoshida musiqachi toqqa chiqishda faol ishtirok etadi. Shu bilan birga, ajinlarning yo‘qligi, masalan, peshona sohasida, botoks inyeksiyasining natijasi ekanligini va terining umumiy rangi plazmolifting va biorevitalizatsiya kabi protseduralar yordami bilanligini istisno qilmaydi.
Tomas Sengster
Bu aktyor 20 yil o‘tib ham o‘smir yigit rolini o‘ynay oladi. Tomas Sengster rafiqasi Talula Rayli bilan turmush qurganida, ko‘pchilik ularning yoshini surishtira boshladi. Aslida aktrisa eridan to‘rt yarim yosh katta. Ammo Tomas unga qaraganda chiroyli va yosh ko‘rinadi. Uni ko‘pincha “abadiy yosh” yoki “o‘smir yuzli odam” deb atashadi. Birinchisini iltifot deb hisoblash mumkin, ammo ikkinchisi aktyorni xafa qiladi. Intervyularining birida Tomas ba’zida tashqi ko‘rinishi o‘ziga ham yoqmasligini tan oldi. Bir marta uni do‘kon sotuvchisi voyaga yetmagan deb, spirtli ichimlik sotmagan.
Endryu Garfild
Aktyorning ko‘plab rollari bor: u biznesmen, shifokor va hatto superqahramon obrazlarini gavdalantirishga muvaffaq bo‘ldi. Ushbu rollarni o‘ynash uchun aktyor kamida 20 yil mehnat qilgan. Ha, bunga ishonish qiyin, ammo yuqoridagi suratlar orasida ham 16 yil farq bor.
Rianna
Yillar davomida ushbu xonandaning faqatgina soch turmaklari va kiyinish obrazlari keskin o‘zgaradi, ammo yosh chehrasi 10 yil avvalgidek go‘zal ko‘rinishda saqlanib qolgan. Nafaqat musiqada, balki moda va go‘zallik industriyasida ham katta muvaffaqiyatga erishgan Rianna insonparvarlik ishlari bilan ham faol shug‘ullanadi. U ta’lim va sog‘liqni saqlash sohasida turli xayriya loyihalariga hissa qo‘shadi. Xayr-sahovat insonni yanada go‘zal ko‘rsatishi balki rostdir?
Hyu Jekman
30 yil o‘tgandan keyin avvalgi roliga qaytganda ham tashqi ko‘rinishi xuddi shunday saqlanib qolgan kamyob aktyorlardan. Hyu Jekman o‘zining bunday sadoqati uchun hatto Ginnesning rekordlar kitobidan o‘rin oldi. Uning Rosomaxa obrazi butun dunyo tomonidan e’tirof etilgan va aktyor superqahramon janrida eng uzoq vaqt davomida bitta personajni o‘ynagan aktyor sifatida tarixga kirgan.
Pink
“Faol turmush tarzini olib boring, folloverlaringizga doim tabassum qiling, shunda siz doimo yosh bo‘lib qolasiz” degan qoida bilan yashaydigan xonanda Pink, haqiqatan, energiyaga to‘la ayoldir. Pink sport bilan ham faol shug‘ullanadi. U mustaqil va o‘ziga ishongan shaxs sifatida tanilgan bo‘lib, qo‘shiqlarida ko‘pincha erkinlik, o‘zini sevish va jamiyat me’yorlariga qarshi chiqish mavzularini ko‘taradi.
Jennifer Lopes
Xonanda va aktrisa Jennifer Lopes 55 yoshda ham maftunkor ko‘rinishi bilan doimo muxlislarni lol qoldirib kelgan. Garchi bu ko‘rinish genetika yoki plastik jarrohlik natijasi bo‘lib tuyulishi mumkin bo‘lsa-da, aslida, Lopes qat’iy parhez, intensiv mashg‘ulotlar va tartibli uyqu jadvalini go‘zallik sirlari deb ataydi.
Qat’iy tartib-intizom va o‘z-o‘zini nazorat qilish Jey Lo amal qiladigan asosiy tamoyillardir. U anchadan beri qahvani ratsionidan chiqarib tashlagan, spirtli ichimlik ichmaydi va sog‘lom ovqatlanishga rioya qiladi. Shuningdek, Lopes vegetarianlikni faol qo‘llab-quvvatlab, go‘shtdan voz kechgan.
Izoh (0)