Go‘zal bo‘lib tug‘ilma, baxtli bo‘lib tug‘il — bu maqol dunyodagi eng mashhur, yuqori maosh oladigan supermodellarga ham tegishli. Podiumda, jurnal muqovalarida va reklamalarda ularning ajoyib tashqi qiyofasini ko‘rish mumkin. Ammo yillar o‘tibgina modellar karyerasining boshida o‘zlari bilan sodir bo‘lgan dahshatli voqealar haqida gapirib berishlari mumkin. Ba’zilari esa hozirda hayot emas.
Naomi Kempbell
Kempbell karyerasining boshida irqchilikka duch kelgan. Terisining rangi tufayli 15 yoshli qizga suratga olish va moda namoyishlarida ishtirok etishga ruxsat berishmaydi, lekin u boshqa qizlar bilan teng huquqini himoya qilishda davom etadi.
Bir kuni u eng yirik brendni taqdim etishi kerak edi, lekin taqdimotdan bir necha kun oldin rad javobini oladi. O‘shanda uning dugonalari Linda Yevangelista va Kristi Tarlington shou tashkilotchilariga boykot e’lon qilishadi, shuningdek, ular Naomisiz podiumga chiqmasliklarini aytishadi. Eng yaxshi modellarni yo‘qotish brend nufuziga to‘g‘ri kelmasdi, shuning uchun qizlar bu o‘yinda g‘alaba qozonishadi.
Men bularning barchasidan o‘tdim. Nima ham derdim, men doim shu haqda gapirardim. Yoshligimda qilgan ba’zi ishlarim irqimga to‘g‘ri kelmasligini aytishadi. Hozirda qilayotgan ishim faqat menga taalluqli emas. Men faqat o‘zimni emas, balki madaniyatim va irqim haqida ko‘proq o‘ylayman. Bundan tashqari, men hech qachon “irqchilik” so‘zini ishlatmaganman.
Jia Karanji
Jia Karanji 26 yoshida vafot etgan. Qisqa hayoti davomida u dunyoning birinchi supermodeli unvonini qo‘lga kiritadi, shuningdek, Vogue va Cosmopolitan jurnallarida suratga tushadi.
Ammo Karanjining yutuqlari ortida og‘ir kechinmalar yashiringan. 11 yoshida onasi uni otasi va ukasi bilan tashlab ketadi. Unga ota-onasining e’tibori yetishmasdi, u o‘zini yolg‘iz his qila boshlaydi. U o‘z xohishiga ko‘ra, masalan, o‘ziga yoqmagan soch turmagi yoki pardoz-andoz tufayli fotosessiyadan voz kechishi mumkin edi. Jining hamkasblari uni zo‘r va muvaffaqiyatli deb atashardi, lekin bu uning shaxsiy hayotiga taalluqli emasdi.
Jiddiy barqaror munosabatlarni topishga urinishlar muvaffaqiyatsizlikka uchraydi. Yulduz erkaklar u bilan faqat pul (yiliga 100 000 dollardan ortiq maosh olardi) va intim munosabatlar tufayli birga bo‘lishadi deb hisoblardi, lekin u haqiqiy sevgiga ega bo‘lish umidini yo‘qotmaydi. Bir kuni model Juliya Fosterning aytishicha, Jia yarim tunda uni bag‘riga bosish uchun kelgan, shu yo‘l bilan u hech bo‘lmaganda bir muddat yolg‘izlikdan qutulgan.
Keyin Karanji giyohvand moddalarga ruju qo‘yadi: avval “dam olish uchun”, keyin esa “ruhiy og‘riqdan xalos bo‘lish uchun” ulardan foydalanadi. Bu esa uning karyerasiga ta’sir qiladi — fotosuratchilar u bilan kamroq hamkorlik qila boshlaydi, maoshi bir necha baravarga kamayadi. Jia qaramlikni yengishga harakat qilganiga qaramay, buni uddalay olmaydi. Navbatdagi doza uchun pul yo‘qligi sababli supermodel fohishalik orqali pul ishlay boshlaydi.
1986-yilda Karanji pnevmoniyaga chalinadi, shifoxonada bir necha tekshiruvlardan so‘ng unga OITS tashxisi qo‘yiladi. O‘limidan biroz oldin qiz giyohvand moddalarning zarari haqidagi syujetni suratga olib, uni o‘smirlarga ko‘rsatmoqchi edi, toki ular hech qachon uning xatolarini takrorlamasinlar. Shunga qaramay, u film suratga olishga ham, oila qurishga ham ulgurmay vafot etadi.
Linda Yevangelista
Kanadalik 90-yillarning super modellaridan biri, karyerasining boshida shunday deydi:
O‘sha paytlarda unga hatto moda yoki ish bilan bog‘liq tadbirda qatnashgani uchun ham katta gonorar to‘lashardi. Ammo pul uni hayotiy qiyinchiliklardan qutqara olmaydi: dastlab u birinchi eri, Elite Model Management modellashtirish agentligining Yevropa bo‘limi direktori Jerald Mari tomonidan maishiy zo‘ravonlikka uchraydi. Unga turmushga chiqqanida 22 yoshda bo‘lib, 6 yildan keyin ajrashadi. Intervyularidan birida Jerald uni kaltaklaganini, lekin yuziga tegmaganini, chunki “yuzi bilan oilasini boqishini” aytgandi.
2018-yilda Linda yana bir muammoga duch keladi: ko‘krak bezi saratoni. U darhol ikki tomonlama mastektomiya qildiradi, ammo shunga qaramay, 2022-yilda shifokorlar ko‘krak qafasidagi xavfli o‘simtani aniqlab, uni olib tashlashadi.
Bundan tashqari, 2016-yilda yulduz teri osti yog‘ to‘planishini kamaytirish uchun yog‘ olib tashlash bo‘yicha muvaffaqiyatsiz kosmetik operatsiyani o‘tkazadi. Biroq muolaja aks ta’sir va asoratlarga olib keladi.
Shunga qaramay, Linda hozirda plastik jarrohlar xizmatlaridan botulotoksin inyeksiyalaridan foydalanmoqda.
Izoh (0)