Samarqand viloyatining Urgut tumanidagi to‘y marosimida ko‘chalar bo‘ylab avtomashinalar guruh-guruh bo‘lib harakatlandi. Bu haqda viloyat IIB JXX YHXB xabar berdi.
Maʼlum qilinishicha, haydovchilar yo‘l bezoriligini sodir etib, transport vositasiga turli ko‘rinishdagi moslamalar o‘rnatib olgan. Ushbu haydovchilarga nisbatan qonuniy tartibda choralar ko‘rilgan.
Transport vositalari esa vaqtincha saqlash jarima maydonchasiga joylashtirilgan.
Mashinalardagi “tomoshalar”
Bundan oldin Qoraqalpog‘istondagi to‘yda tanasini mashinadan chiqarib tasvirga olgan operatorlar va haydovchi jarimaga tortilgan edi. Shuningdek, Andijonda 20 yoshli qiz mashinadan tanasini chiqarib harakatlangan.
Samarqandda harakatlanayotgan Gentra’dan tanasini chiqarib, soxta dollar sochgan yigitlarga chora ko‘rilgani to‘g‘risida xabar berilgandi. Shu bilan birga, Farg‘onada to‘yda tomosha ko‘rsatgan haydovchilar jazolangandi.
Izoh (0)