AQSHning Nyu Jersi shtatidagi o‘zbekistonliklar mustaqillikning 33 yilligini nishonladi, jurnalist Otabek Eshmamatov ular bilan suhbatlashdi.
![](/static/2024/09/01/photo_2024-09-01_20-38-10-r24DR8VM.jpg)
Bugun sehrli diyor nomini olgan Amerikada ham ko‘p sonli vatandoshlar istiqomat qilmoqda. Ularning aksariyati grin kard orqali, ba’zilari o‘qish, ilmiy ish qilish yoki ishlash maqsadida ketgan. Ana shunday fuqarolarni AQSHda faoliyat olib borayotgan Uzbek Society of America jamiyatlari o‘z atrofiga birlashtirgan.
Bayramning menga eng yoqadigan taraflaridan biri shundaki, turli shtatlardan bizni yurtdoshlarimiz kelib, osh konkurslari qiladi. Har xil oshlarni yeb ko‘ramiz, osh festivali bo‘ladi. Bundan tashqari har xil o‘yin-kulgu: hunarmandchilik, o‘zbekistonlik musavvirlar ishlari ham namoyish qilinadi. Tariximiz, urf-odatlarimiz esdan chiqmasligi uchun ham shunday bayramlar qilinadi”, deydi Uzbek Society of America jamiyati raisi Umid Ismatullayev.
![](/static/2024/09/01/photo_2024-09-01_20-24-54-AEYOxBUa.jpg)
Bu yilgi tadbirni tashkil etishga “Vatandoshlar” jamoat fondi ham yordam bergan. Xususan fond tashabbusi bilan bayramga keladigan mehmonlar uchun o‘zbek milliy hunarmandlik mahsulotlarining ko‘rgazmasi tashkil etilgan. Tadbirda O‘zbekistondan tashrif buyurgan san’atkorlar, jumladan, Iroda Iskandarova ham o‘zining qo‘shiqlarini ijro etgan.
Bayram a’lo darajada boshlandi, vatandoshlar bilan ko‘rishib, diydorlashdik. Mustaqilligimiz abadiy bo‘lsin, deydi Iroda Iskandarova.
Nyu Jersida O‘zbekiston mustaqillik kuniga bag‘ishlangan bayram tantanalari har yili o‘zgacha o‘tadi. Bu yilgi bayramda ilk bora bolalar o‘rtasida ikkita yosh toifasida O‘zbekistonni, vatanni ulug‘lovchi rasmlar tanlovi tashkil etildi.
![](/static/2024/09/01/photo_2024-09-01_20-25-15-rhmF6tIh.jpg)
Shuningdek an’anaviy osh musobaqasi ham o‘tkazildi. Bu safargi osh tanlovida O‘zbekistonning aksar hududlarida tayyorlanadigan oshlar musobaqalashdi. Bunga Xorazmcha osh, Buxoroning oshi sofiyi, Samarqand “Sitora” zig’ir oshi, Farg‘ona vodiysining devzirasi, Toshkent to‘y oshi va choyxona palovini misol keltirish mumkin.
![](/static/2024/09/01/photo_2024-09-01_20-24-42-QLohrW8p.jpg)
![](/static/2024/09/01/photo_2024-09-01_20-25-17--E2WdG95.jpg)
![](/static/2024/09/01/photo_2024-09-01_20-24-52-yDOeip0H.jpg)
Musobaqada bu safar Toshkent to‘y oshi g‘olib deb topildi. Bu yilgi Mustaqillik bayrami AQSHning turli shtatlarida 9-sentyabrgacha davom etadi.
Izoh (0)